कर्नाटक विधानसभेतील विरोधी पक्षनेते सिद्धरामय्या यांनी रविवारी मुख्यमंत्री बसवराज बोम्मई यांना फटकारले आणि आरोप केला की ते निवडून आलेले मुख्यमंत्री नाहीत तर त्यांना पैशाच्या बदल्यात पदावर बसवण्यात आले आहे आहे.
भाजपचे ज्येष्ठ आमदार बसनगौडा पाटील यत्नल यांनी, त्यांना काही लोकांनी 2,500 कोटींच्या बदल्यात राज्याच्या मुख्यमंत्रिपदाची ऑफर दिली होती, असा दावा केल्यानंतर काही दिवसांनी हा आरोप करण्यात आला आहे. काँग्रेस विधिमंडळ पक्षाच्या (CLP) नेत्याने असा आरोप केला की, बोम्मई केवळ आरएसएसच्या सूचनांचे पालन करत आहेत, कारण त्यांनीच त्यांना मुख्यमंत्री केले आहे. बसवराज बोम्मई हे निवडून आलेले मुख्यमंत्री नाहीत, ते नियुक्त मुख्यमंत्री आहेत, त्यामुळे ते काहीही करत नाहीत. असे ते म्हणाले आहे.
पैसे देऊन मुख्यमंत्री झालेत, ते काम कशाला करणार? आरएसएसने त्यांना मुख्यमंत्री केले, त्यांच्या सूचनांचे पालन करणे पुरेसे आहे, असा आरोप सिद्धरामय्या यांनी केला. येथे एका कार्यक्रमात बोलताना माजी मुख्यमंत्री म्हणाले की, हे सरकार चार वर्षांत गरजूंना एकही घर देऊ शकले नाही,असे सरकार चालू ठेवायचे की नाही हा प्रश्न असल्याचे ते म्हणाले.
सिद्धरामय्या म्हणाले की, "त्यांना (भाजप सरकार) लाज वाटली पाहिजे... पाच वर्षे मुख्यमंत्री असताना मी 15 लाख घरे बांधली," असा दावा त्यांनी केला. यत्नल यांनी अलीकडेच काही लोकांनी संपर्क साधून 2,500 कोटी रुपयांच्या बदल्यात राज्याचे मुख्यमंत्रीपद देऊ केल्याच्या दाव्यानंतर पैसे देऊन ते मुख्यमंत्री झाले का, असा सवाल काँग्रेस नेते बोम्मई यांना करत आहेत . माजी केंद्रीय मंत्री यत्नल यांनी याप्रकरणात मात्र कोणाचेही नाव घेतले नाही, परंतु अशा फसवणूक करणाऱ्या कंपन्या असल्याचे सांगितले आहे. या दाव्यांची चौकशी करण्याची मागणी काँग्रेसने केली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
