Latest Marathi News Updates: देश-विदेशात दिवसभरात काय घडलं? जाणून घ्या एका क्लिकवर

बेळगावमध्ये कन्नड रक्षण वेदिकेच्या कार्यकर्त्यांनी हिंदी राजभाषा दिनाला विरोध केला आहे. हिंदी राजभाषा दिनाला विरोध करण्यासाठी बेळगाव रेल्वे स्टेशन परिसरात या संघटनेच्या कार्यकर्त्यांनी जोरदार निदर्शनं केली. रेल्वे स्टेशन परिसरात यापूर्वीच मराठीत लावलेल्या शरद पवार यांचा स्वागत बोर्ड हिंदी बोर्ड समजून कार्यकर्त्यांनी फाडला होता. बोर्ड फाडणाऱ्या दोघा कार्यकर्तांना पोलिसांनी ताब्यात घेतलं आहे. मराठी बोर्डला हिंदी बोर्ड समजून फाडल्याचा खुलासा खुद्द कार्यकर्त्यांनीच केला आहे.