Latest Maharashtra News Updates : दिवसभरातल्या महत्त्वाच्या बातम्या वाचा एका क्लिकवर

छत्रपती संभाजीनगर सिल्लोड तालुक्यातील सिसारखेडा येथे वीज पडून मायलेकींचा मृत्यू झालाय. .Sanjay Gayakwad: बुलढाण्याचे शिंदे गटाचे आमदार संजय गायकवाड यांनी तलवारीने केक कापून इतरांना तलवारीनेच केक भरविल्याच प्रकरणी हा गुन्हा दाखल करण्यात आलाय. . बनावट संकेतस्थळ बनवणारा कल्पेश सेवक आणि म्हाडाचा अधिकारी असल्याचा बनाव करणाऱ्या अमोल पटेल नावाच्या दोघा आरोपींना अटक करण्यात आलीय. .शनिवारी संध्याकाळी झालेल्या जोरदार पावसानंतर रविवारी पावसाने दिवसभर उघडीप दिली होती. मात्र, पुन्हा सायंकाळी चांगलाच जोर धरल्याचे दिसून आले. जोरदार पाऊस झाल्याने ओढ्याला काही प्रमाणात पाणी आले होते. तर रस्त्यांना नाल्याचे स्वरुप आल्याचे दिसून आले. अनेक ठिकाणी ड्रेनेजमध्ये पावसाचे पाणी मिसळल्याने रस्त्यावर दुर्गंधीयुक्त पाणी आले होते..शहापूर तालुक्यातील नवीन कसारा घाटात नाशिक हून मुंबई च्या दिशेने जाणाऱ्या कंटेनर चालकाचा ताबा सुटल्याने कंटेनर कसारा घाटतील खोल दरी कोसळला. या कंटेनर मध्ये पाच ते सहा जण प्रवास करत होते. घटनास्थळी कसारा पोलिस आपत्ती व्यवस्थापन चे सदस्य असून दरीतून बाहेर काढण्याचे प्रयत्न सुरू आहे..सुप्रिया सुळे उद्या मुंबईत असल्यास अजित पवार त्यांच्याकडून राखी बांधून घेणार आहेत..उद्धव बाळासाहेब ठाकरे शिवसेनेच्या वतीने रोजगार मेळाव्याचे आयोजन करण्यात आले.थोड्याच वेळात उबाठा पक्षाचे नेते संजय राऊत या कार्यक्रमाला उपस्थित राहतील. त्यांच्या हस्ते रोजगार प्राप्त मुलांना नियुक्ती पत्र तसेच गुणवंत विद्यार्थ्यांचा सत्कार करण्यात येईल.. राखी आणि आरतीच ताट हातात घेऊन लाडक्या बहिणींचं मुख्यमंत्र्यांना साकडंरक्षा बंधनानिमित्त मुख्यमंत्री एकनाथ शिंदे यांना लाडक्या बहिणींच साकडंमुंबई सेंट्रल येथील BIT चाळीतील रहिवाशी महिलांची मागणी BDD चाळीसंदर्भात सरकारने जसे धोरण ठरवले तसे धोरण ठरवून BIT चाळीचा विकास करण्याची रहिवाश्यांची मागणीतसेच घर बळकावणाऱ्या विकासकावर कारवाईची केली मागणीBIT मधील रहिवाशी महिलांच अनोखं आंदोलन .अमोल मिटकरी यांनी रामगिरी महाराजांवर खालच्या भाषेत टीका केलीय याचा राम सातपुते यांनी निषेध केला आहे. मिटकरीने विसरू नये की आपण महायुतीचा भाग आहोत. मला माहीत आहे अमोल मिटकरींना हिंदू विचारांची आणि हिंदू साधू संतांची कावीळ आहे. त्यामुळे ते नेहमी भगव्यावर टीका करत असतात. हिंदू साधू संतांनी काय भूमिका घ्यायची हे अमोल मिटकरी सारख्या बाजारू विचारवंतांनी सांगू नये, असंही ते म्हणाले. .शिवसंग्राम ज्योती मेटे यांची पत्रकार परिषद काही वेळात सुरू होईलआरक्षण विधानसभा निवडणुका याबाबत बोलण्यासाठी पत्रकार परिषद शिवसंग्रामची सर्वसाधारण सभा आज पुण्यात पार पडली.पुणे जिल्ह्यातील पुरंदर तालुक्यातील नाझरे धरण १०० टक्के भरले आहे. धरण ओव्हरफ्लो झाले असून धरणातून पाण्याचा विसर्ग सुरू करण्यात आला. या धरणातून पुरंदर तालुक्यासह बारामतीतील 50 गावांना पाणीपुरवठा केला जाताे. या पावसाळ्यामध्ये हे धरण पहिल्यांदाच भरले आहे या धरणाच्या बाजूला काल मोठ्या प्रमाणात पाऊस झाला..आगामी विधानसभा निवडणुकीसाठी महायुतीत सोलापूर शहर मध्य विधानसभा मतदारसंघ राष्ट्रवादीकडे घ्यावा, अशी मागणी प्रदेश उपाध्यक्ष तथा जिल्हा नियोजन समितीचे विशेष निमंत्रित सदस्य किसन जाधव यांनी केली आहे. मुंबई येथील राष्ट्रवादी काँग्रेसच्या कार्यालयात त्यांनी उपमुख्यमंत्री तथा राष्ट्रवादी पक्षाचे सर्वेसर्वा अजित पवार यांची भेट घेतली. सोलापूर शहरातील तीन पैकी एक जागा राष्ट्रवादीला सुटेल असा विश्वास राष्ट्रवादीचे स्थानिक पदाधिकारी व्यक्त करत आहेत याच पार्श्वभूमीवर शहर मध्य विधानसभा मतदारसंघ ही राष्ट्रवादीला सुटण्याची शक्यता वर्तवली जात आहे..पंढरपुरात श्री विठ्ठलाच्या दर्शनासाठी येणाऱ्या भाविकांसाठी दर्शन मंडप व स्काय वॉकचा प्रश्न सोडविण्यासाठी जिल्हाधिकारी कुमार आशीर्वाद यांच्या मार्गदर्शनाखाली प्रशासनाने १२९ कोटीचा आराखडा तयार केलेला होता. राज्याच्या मुख्य सचिव सुनिता सौनिक यांच्या अध्यक्षतेखालील उच्च अधिकार समितीने दर्शन मंडप व स्काय वॉकसाठी ११० कोटींचा आराखडा मंजूर केला आहे..साताऱ्यात ई-बसेस दाखल झाल्या आहेत. .पिंपरी चिंचवडच्या हिंजवडी परिसरामध्ये दोन ते तीन जणांकडून एका व्यक्तीला जबर मारहाण करण्यात आली आहे. स्टोअरमधील कॅरेटच्या साह्याने या व्यक्तीला मारहाण केल्याचा सीसीटीव्ही समोर आला आहे. या प्रकरणी संबंधित तरुणाने हिंजवडी पोलिसांना तक्रार देण्याचा प्रयत्न केला असता हिंजवडी पोलिसांनी अदखलपात्र गुन्हाची नोंद केल्याचा आरोप संबंधित पीडित तरुणांनी केला आहे..सीलबंद सिलिंडरचे सील तोडून रिकाम्या सिलिंडरमध्ये गॅस भरत ग्राहकांची फसवणूक करणाऱ्या दोघांवर कोराडी पोलिस आणि पुरवठा निरीक्षकांनी कारवाई केली आहे. महेंद्र भय्यालाल रामटेके (३२) आणि बंटी श्रीनाथुराम बघेल (३२) अशी अटक करण्यात आलेल्या आरोपींची नाव आहे..जयपूर येथील जवाहर नगर येथील मोनी लेक हॉस्पिटलमध्ये बॉम्ब असल्याची माहिती मिळाल्यानंतर संपूर्ण परिसरात दहशतीचे वातावरण निर्माण झाले होते. रुग्णालयात बॉम्ब ठेवल्याची बातमी मेलद्वारे देण्यात आली, त्यानंतर सुरक्षा यंत्रणा सतर्क झाल्या आणि पोलीस आणि बॉम्ब निकामी पथकाने तातडीने घटनास्थळ गाठून रुग्णालय परिसराला वेढा घातला. सुरक्षा जवानांनी संपूर्ण परिसर सील केला असून मोठ्या प्रमाणावर शोधमोहीम सुरू केली आहे..मुंबई आंतरराष्ट्रीय विमानतळावरून ४.८३ कोटी रुपयांच कोकेन जप्त करण्यात आले आहेत. कस्टम्स विभागाने ही कारवाई केली असून, अदिस अबाबावरून आलेल्या केनियन प्रवाशाला अटक करण्यात आली आहे. .राष्ट्रवादीच्या जनसन्मान यात्रेदरम्यान नारायणगावात भाजपच्या पदाधिकाऱ्यांनी उपमुख्यमंत्री अजित पवार यांच्या ताफ्याल काळे झेंडे दाखवत घोषणाबाजी केली. शासकीय कार्यक्रमातून घटक पक्षांना वगळले जात असल्याचा आरोप या पदाधिकाऱ्यांनी केला आहे..कोलकात्याच्या आरजी कार मेडिकल कॉलेज आणि हॉस्पिटलमध्ये प्रशिक्षणार्थी डॉक्टरवर झालेल्या बलात्कार आणि हत्येविरोधात देशभरात आंदोलन सुरू आहे. दरम्यान, 2012 मधील दिल्ली सामूहिक बलात्कार प्रकरणातील पीडित निर्भयाच्या आईने पश्चिम बंगालच्या मुख्यमंत्री ममता बॅनर्जी यांच्या राजीनाम्याची मागणी केली आहे..बेळगाव : बेळगाव ते मिरजदरम्यान सुरू केलेली विशेष पॅसेंजर रेल्वे आणखी दहा दिवस धावणार आहे. नैऋत्य रेल्वेने या वेळापत्रकात बदल केला असून, यापूर्वी ही रेल्वे १७ ऑगस्टपर्यंत धावणार होती. आता २७ ऑगस्टपर्यंत धावणार असल्याने बेळगावकरांना सोयीस्कर झाले आहे..बंगळूर : डॉक्टर, परिचारिका आणि वैद्यकीय कर्मचाऱ्यांना संरक्षण देण्यासाठी कायद्यात सुधारणा केली आहे. त्यासाठी आम्ही राज्यपालांच्या संमतीची वाट पाहत आहोत, असे आरोग्य आणि कुटुंब कल्याण मंत्री दिनेश गुंडूराव म्हणाले..कथित MUDA घोटाळ्याप्रकरणी कर्नाटकच्या राज्यपालांनी मुख्यमंत्री सिद्धरामय्या यांच्यावर खटला चालवण्यास मंजुरी दिल्याबद्दल यूपी काँग्रेसचे प्रमुख अजय राय म्हणाले, "हे भाजपचे षड्यंत्र आहे. त्यांना काँग्रेस सरकार कमकुवत करायचे आहे. भाजपचे कर्नाटकचे मुख्यमंत्री (माजी) येडियुरप्पा यांनी किती घोटाळे केले? काहीही झाले नाही. भाजप काँग्रेसला छळण्याचा आणि बदनाम करण्याचा प्रयत्न करत आहे.".कोलकाता आरजी कार मेडिकल कॉलेज आणि हॉस्पिटलमध्ये झालेल्या बलात्कार-हत्येप्रकरणी सीबीआय टीमचे मानसशास्त्रज्ञ कोलकाता येथे पोहोचले आहेत. ते तपासात सीबीआय टीमला मदत करणार असल्याची माहिती मिळत आहे..मॉस्को : रशियाच्या कामचटका प्रदेशाच्या पूर्व किनारपट्टीवर 51 किमी (32 मैल) खोलवर 7.2 तीव्रतेचा भूकंप झाला, असे युरोपियन भूमध्य भूकंप विज्ञान केंद्राने (EMSC) सांगितले. इथे क्लिक करा.69000 शिक्षक भरती प्रकरणी उच्च न्यायालयाच्या निर्णयानंतर मुख्यमंत्री योगी आदित्यनाथ यांनी आज महत्त्वाची बैठक बोलावली आहे. या बैठकीत सरकार उच्च न्यायालयाच्या निर्णयाची अंमलबजावणी करणार की या निर्णयाविरोधात सर्वोच्च न्यायालयात दाद मागणार, याबाबत आज रविवारी सायंकाळी मुख्यमंत्र्यांच्या निवासस्थानी होणाऱ्या बैठकीत चर्चा होणार आहे. .उत्तर प्रदेशातील मुरादाबाद येथून डेहराडूनला आलेल्या पंजाबमधील एका किशोरवयीन मुलीवर ISBT च्या बसमध्ये सामूहिक बलात्कार झाल्याची घटना समोर आली आहे. ही घटना 13 ऑगस्टच्या पहाटे घडल्याचे सांगण्यात येत आहे. पोलिसांनी अज्ञाताविरुद्ध गुन्हा दाखल केला आहे. ISBT कॅम्पसमधून काही लोकांना चौकशीसाठी ताब्यात घेण्यात आले आहे..बंगळूर : म्हैसूर अर्बन डेव्हलपमेंट अथॉरिटी (मुडा) मधील भूखंडांचे बेकायदेशीर अधिग्रहण केल्याच्या आरोपावरून राज्यपालांनी मुख्यमंत्री सिद्धरामय्या यांच्याविरुद्ध खटला चालवण्यास परवानगी दिल्यानंतर कर्नाटक उच्च न्यायालयात ‘कॅव्हेट’ याचिका दाखल केली आहे..जयपूर : शाळेतील एका विद्यार्थ्याने अन्य एका विद्यार्थ्याला चाकूने भोसकल्यानंतर उदयपूरमध्ये दोन गटांत वाद होऊ तणावाची परिस्थिती निर्माण झाली होती. या पार्श्वभूमीवर खबरदारीचा उपाय म्हणून उदयपूरमधील इंटरनेट सेवा चोवीस तासांसाठी बंद ठेवण्यात आली असून, शाळांनाही सुटी देण्यात आली आहे. सध्या जखमी विद्यार्थ्यावर रुग्णालयात उपचार सुरू असून तूर्त त्याची प्रकृती स्थिर आहे. या विद्यार्थ्यावरील उपचारासाठी जयपूरहून डॉक्टरांचे एक विशेष पथक पाठविण्यात आले आहे..Latest Marathi Live Updates 18 August 2024 : आज राज्यातील काही जिल्ह्यांमध्ये यलो अलर्ट जारी करण्यात आला आहे. कोकणातील रत्नागिरी, सिंधुदुर्ग या जिल्ह्यांमध्ये हवामान विभागाने यलो अलर्ट दिला आहे. तसेच जागतिक आरोग्य संघटनेने मंकीपॉक्स या आजाराला सार्वजनिक आरोग्य आणीबाणी जाहीर केल्यानंतर भारत सरकारही सावध झाले आहे. म्हैसूर शहर विकास प्राधिकरणातील (मुडा) कथित भूखंड वाटप घोटाळ्यामुळे मुख्यमंत्री सिद्धरामय्या अडचणीत येण्याची शक्यता आहे. शिक्षक भरती प्रकरणी उच्च न्यायालयाच्या निर्णयानंतर मुख्यमंत्री योगी आदित्यनाथ यांनी आज महत्त्वाची बैठक बोलावली आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Maharashtra News Updates : दिवसभरातल्या महत्त्वाच्या बातम्या वाचा एका क्लिकवर

Sillod: सिसारखेडा येथे वीज पडून मायलेकींचा मृत्यू

Related Stories