BRICS Summit 2023: पंतप्रधान नरेंद्र मोदी ब्रिक्स परिषदेत सहभागी होण्यासाठी आज (मंगळवार) संध्याकाळी दक्षिण आफ्रिकेत पोहोचले आहेत. दक्षिण आफ्रिकेत राहणाऱ्या भारतीय समुदायाने मोदींचे स्वागत केले. यावेळी हर हर मोदींचा नारा देण्यात आला.
दरम्यान आर्य समाज दक्षिण आफ्रिकेचे अध्यक्ष अर्थी नानकचंद शानंद यांनी पंतप्रधान मोदींना राखी बांधली. त्या म्हणाल्या, नरेंद्र मोदी आमच्यासाठी भावापेक्षा वडिलांसारखे आहेत. पंतप्रधान मोदी हे जग 'वसुधैव कुटुंबकम' म्हणजेच एक पृथ्वी, एक कुटुंब म्हणून पाहतात. ते दक्षिण आफ्रिकेत मोठा बदल घडवून आणणार आहेत.
15 व्या ब्रिक्स परिषदेत सहभागी होण्यासाठी पंतप्रधान नरेंद्र मोदी दक्षिण आफ्रिकेत पोहोचले आहेत. त्यांच्या आगमनाने येथील अनिवासी भारतीय समुदाय उत्साहित दिसत आहे. लोकांनी हर हर मोदी आणि वंदे मातरमच्या घोषणा दिल्या.
दक्षिण आफ्रिकेतून चांद्रयान-3 सॉफ्ट लँडिंग कार्यक्रमात सामील होणार
भारतीय अंतराळ संशोधन संस्था (ISRO) ची तिसरी चंद्र मोहीम चांद्रयान-3 चे लँडर मॉड्यूल बुधवारी संध्याकाळी चंद्राच्या पृष्ठभागावर उतरण्याची अपेक्षा आहे. अशी कामगिरी करणारा भारत हा जगातील पहिला देश बनेल.
पंतप्रधान नरेंद्र मोदी दक्षिण आफ्रिकेतून चांद्रयान-3 सॉफ्ट लँडिंग कार्यक्रमात सामील होणार असल्याचे सूत्रांनी सांगितले. पंतप्रधान मोदी दक्षिण आफ्रिकेच्या तीन दिवसांच्या दौऱ्यावर आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.