'पतीपेक्षा दीर हँडसम, तोच सुंदर मुलगा देऊ शकेल म्हणून महिला घरातून पळाली, सासरच्यांनी गाठलं पोलीस स्टेशन

Madhya Pradesh News: मध्य प्रदेशमध्ये एक विचित्र प्रकार समोर आला आहे. सुंदर मुलगा हवा म्हणून पत्नीने पतीला धोका दिला आहे. धक्कादायक म्हणजे पत्नी आपल्या दीरासोबतच पळून गेली आहे. याप्रकरणी पतीने पोलीस स्टेशनमध्ये जाऊन तक्रार दाखल केली आहे.

मिळालेल्या माहितीनुसार, पत्नीने पतीला फोन करून आत्महत्या करण्याची धमकी दिली होती. त्यानंतर पतीने पोलीस स्टेशनमध्ये धाव घेतली आहे. पोलीस स्टेशनमध्ये तक्रार दाखल करण्यात आली आहे. पती आणि नातेवाईकांनी न्यायाची मागणी केली आहे. नातेवाईकांनी केलेल्या आरोपानुसार, महिलेचे दीरावर प्रेम जडले होते. तसेच, सुंदर मुलगा व्हावा या इच्छीने ती दीरासोबत पळाली आहे.

छतरपूर शहरातील सीताराम कालोनी येथील हा प्रकार आहे. राजेन्द्र कुशवाहा यांनी आपल्या आईसोबत पोलीस अधीक्षक कार्यालय गाठलं आणि त्याठिकाणी तक्रार केली. राजेन्द्र कुशवाहा यांच्या आईने सांगितलं की, माझी सून दीरासोबतच पळून गेली आहे. ती त्याच्यावर प्रेम करत होती. तिचे लग्न होऊन १३ वर्ष झाले आहेत. पण, तिला मुलगा झाला नाही. सूनेचं म्हणणं होतं की, तिचा पती सुंदर नाही. त्यामुळे तिला सुंदर मुलगा होणार नाही. त्यामुळे ती पतीकडून मुलगा होऊ देणार नाही.

राजेन्द्र कुशवाहा यांच्या आईने पुढे सांगितलं की, 'माझा छोटा मुलगा आणि सूनेचे लैंगिक संबंध होते. त्यांना संबंध ठेवण्यास रोखण्यात आले होते, पण त्यांनी ऐकलं नाही. ते दोघे पळून गेले.' पत्नी मेसेज करून आत्महत्या करण्याची धमकी देत आहे. मी काही केलं तर त्याची जबाबदारी सासरच्या लोकांवर असेल असं ती म्हणत आहे. त्यामुळे आम्ही पोलीस स्टेशनमध्ये आलो आहोत, असं पती म्हणाला आहे.

याप्रकरणी एसपी विक्रम सिंह यांनी म्हटलं की, महिलेच्या पतीच्या तक्रारीवरून बेपत्ता झाल्याची तक्रार दाखल करण्यात आली आहे. याप्रकरणी पुढील कारवाई केली जात असून महिला आणि तिच्या दीराचा शोध सुरु आहे.