लखनऊः बहुजन समाज पक्षाच्या प्रमुख मायावती यांनी भाचा आकाश आनंद यांना पुन्हा एकदा मोठी जबाबदारी दिली आहे. मायावती यांनी आकाश यांना आपला उत्तराधिकारी घोषित करत त्यांची राष्ट्रीय संयोजन पदी निवड केली आहे. पक्षाच्या बैठकीनंतर त्यांनी ही घोषणा केली आहे.
लोकसभा निवडणुकीमध्ये बसपाचा दारुण पराभव झाला होता. याची समिक्षा करण्यासाठी पक्षाकडून रविवारी बैठक बोलावण्यात आली होती. यावेळी पुन्हा एकदा भाचे आकाश आनंद यांच्यावर विश्वास दाखवण्याचा निर्णय मायावती यांनी घेतला आहे. लोकसभा निवडणुकीमध्ये बसपाने स्वतंत्र निवडणूक लढवली होती. पण, त्यांना जनतेने पसंती दिलेली नाही.
आकाश आनंद यांचे रिलाँचिंग झाल्याचं आपल्याला म्हणता येईल. कारण, याआधी देखील मायवतींनी त्यांना उत्तराधिकारी म्हणून घोषित केलं होतं. पण, काही कारण न देताना त्यांना पदावरून हटवण्यात आले होते. पण, विधानसभेच्या पोटनिवडणुका डोळ्यासमोर ठेवून त्यांना पुन्हा संधी देण्यात आली आहे.
मायवतींनी आकाश आनंद यांना पंजाब आणि उत्तराखंड विधानसभा पोटनिवडणुकीसाठी स्टार प्रचारक म्हणून घोषित केलं आहे. आकाश आनंद स्टार प्रचारकांच्या यादीत दुसऱ्या क्रमांकावर आहेत.
बसपाकडून २० जणांची स्टार प्रचारक म्हणून नियुक्ती करण्यात आली होती. लोकसभा निवडणुकीच्या वेळी आकाश आनंद यांनी सर्वाधिक सभा या उत्तर प्रदेशमध्येच घेतल्या होत्या. पण, सीतापूर येथे एका सभेत बोलताना त्यांनी वादग्रस्त वक्तव्य केलं होतं. त्यामुळे त्यांच्यावर एफआयआर दाखल करण्यात आला होता. त्यामुळे मायावती यांनी त्यांच्या सर्व कार्यक्रमांवर बंदी घातली होती. त्यांना राष्ट्रीय संयोजक पदावरून देखील हटवण्यात आले होते. दरम्यान, बसपाला लोकसभा निवडणुकीत भोपळा देखील फोडता आलेला नाही. त्यामुळे आकाश आनंद यांना पुन्हा पद देऊन चांगल्या कामगिरीची बसपा अपेक्षा ठेवून आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
