नवी दिल्ली : लोकसभा निवडणुकीनंतर सात राज्यांमधील १३ जागांसाठी पोटनिवडणूक पार पडली यांपैकी १० जागांवर इंडिया आघाडीनं विजय मिळवला आहे. तर केवळ एकच जागा भाजपनं जिंकली आहे. तर इतर दोन जागा अपक्षांनी राखल्या. यामुळं इंडिया आघाडीला पुन्हा लोकांनी बळ दिल्याचं बोललं जात आहे. (By Poll Result 2024 India bloc big win in by elections after Lok Sabha won 10 out of 13 seats)
पश्चिम बंगालमध्ये ४, हिमाचल प्रदेशात ३, उत्तराखंडमध्ये २, बिहार १, मध्य प्रदेश १, पंजाब १ आणि तामिळनाडूत १ या राज्यांमध्ये १० जुलै रोजी पोटनिवडणुका पार पडल्या होत्या. तर आज या निवडणुकांचा निकाल जाहीर झाला. यामध्ये १३ जागांसाठी १२१ उमेदवार रिंगणात होते. यांपैकी १० जागा इंडिया आघाडीनं जिंकल्या आहेत.
यामध्ये पश्चिम बंगालमधील सर्व चार जागा तृणमूल काँग्रेसनं जिंकल्या आहेत. हिमाचलमधील तीन पैकी दोन जागा काँग्रेसनं तर एक जागा भाजपनं जिंकली आहे. तसंच उत्तराखंडमधील दोन्ही जागा काँग्रेसनं जिंकल्या आहेत. बिहारमधील १ जागा अपक्ष, पंजाबमधील १ जागा आप, मध्य प्रदेशातील १ जागा भाजप आणि तामिळनाडूतील १ जागा डीएमके या पक्षांनी जिंकल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
