सबस्क्राईब करा
पाटना- पेपरफुटी प्रकरणी सध्या देशातील वातावरण तापलं आहे. परीक्षांमधील कथित अनियमिततेचा तपास सीबीआय करत आहे. याच प्रकरणी यूनियन ग्रँट कमिशन- नॅशनल इलिजिबिलीटी टेस्ट (UGC NET) पेपरफुटी प्रकरणी बिहारच्या नवाडा जिल्ह्यात गेलेल्या सीबीआयच्या टीमवर हल्ला करण्यात आल्याची घटना घडली आहे. 'हिंदूस्तान टाईम्स'ने यासंदर्भातील वृत्त दिलं आहे.
पोलिसांनी दिलेल्या माहितीनुसार, याप्रकरणी चार लोकांना अटक करण्यात आली आहे. शनिवारी सायंकाळी हा प्रकार घडला. सीबीआयची टीम दिल्लीवरून बिहारच्या नावाडा जिल्ह्यात गेली होती. UGC NET पेपरफुटीचा तपास करण्यासाठी सीबीआयची टीम राजौली पोलीस स्टेशन हद्दीतील कशीयाधीह गावात पोहोचली. यावेळी स्थानिकांनी खोटे पोलीस असल्याचं समजून सीबीआय टीमवर हल्ला केला, शिवाय टीमचे वाहन देखील फोटले.
स्थानिक पोलिसांनी सांगितलं की, गावकऱ्यांना हे खोटे पोलीस असल्याचं वाटलं. याप्रकरणी २०० जणांविरोधात तक्रार दाखल करण्यात आली आहे. त्यापैकी फक्त आठ जणांची नावे समोर आली आहेत. सीबीआय टीम आणि गावकऱ्यांमध्ये शा‍ब्दिक बाचाबाची झाली. व्हिडिओच्या माध्यमातून आरोपींची ओळख पटवण्यात आली आहे. स्थानिक पोलीस घटनास्थळी आल्यानंतर सीबीआय टीमला गावकऱ्यांच्या तावडीतून सोडवण्यात आले.
स्थानिक पोलिसांचे वरिष्ठ अधिकारी अमरिश राहुल यांनी सांगितलं की, पेपरफुटीचा तपास करण्यासाठी सीबीआयची टीम कशीयाधीह गावात आली होती. यावेळी त्यांच्यावर हल्ला झाला. सीबीआयच्या टीमध्ये चार अधिकारी आणि एक महिला कॉन्स्टेबल होती. सीबीआय टीम एका आरोपीचा सेलफोन ट्रॅक करत असताना सदर गावात पोहोचली होती. पण, त्यांना फोटे असल्याचं म्हणत त्यांच्यावर हल्ला करण्यात आला. त्यानंतर सीबीआयने स्थानिक पोलिसांना संपर्क केला होता. गावातून दोन मोबाईल फोन जप्त करण्यात आले आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
