नवी दिल्लीः केंद्र सरकारच्या एक कोटींपेक्षा जास्त कर्मचाऱ्यांसाठी आणि निवृत्तीवेतन धारकांना आनंदाची बातमी आहे. महागाई भत्ता आणि डीआरमध्ये चार टक्क्यांची वाढ होणार, हे निश्चित समजलं जात आहे.
सध्या डीए अर्थात महागाई भत्ता ४२ टक्क्यांवर असून तो वाढून ४६ टक्क्यांवर पोहोचणार आहे. सध्याची महागाईची स्थिती पाहिल्यात १२० दिवसांनंतर डीए ५० टक्क्यांपर्यंत पोहोचू शकतो. त्यापाठोपाठ उर्वरित भत्तेही २५ टक्क्यांनी वाढतील. ग्राहक किंमत निर्देशांक जुलैमध्ये ३.३ अंकांनी वाढून १३९.७ अंकांवर पोहोचला होता.
केंद्रीय कर्मचाऱ्यांना सध्या ४२ टक्के महागाई भत्ता मिळतो. ऑल इंडिया कन्झूमर प्राईज इंडेक्स आणि कंझ्युमर फूड प्राईज इंडेक्सने जारी केलेल्या डेटानुसार महागाई भत्ता चार टक्क्यांनी वाढू शकतो. अर्थात कर्मचाऱ्यांच्या डीए आणि डीआर ४६ टक्के होऊ शकतो. यासंबंधीचा अंतिम निर्णय केंद्रीय मंत्रिमंडळाला घ्यायचा आहे.
डीए आणि डीआरमध्ये होणारी वाढ ही प्रत्येक वर्षाच्या जानेवारी आणि जुलैमध्ये होत असते. सध्याच्या डेटावरुन केंद्रीय कर्मचाऱ्यांच्या दोन्ही भत्त्यांमध्ये ४ टक्क्यांची वाढ होऊ शकते. पुन्हा पुढील १२० दिवसांमध्ये महागाई भत्ता ५० टक्के वाढू शकतो, अशीही शक्यता वर्तवण्यात येतेय.
महागाई भत्ता ४६ टक्क्यांपर्यंत पोहोचल्यानंतर उर्वरित भत्ते २५ टक्क्यांनी वाढतील. केंद्रीय कर्मचाऱ्यांनासाठी ही दिलासादायक बातमी आहे. राज्य सरकारी कर्मचाऱ्यांनाही याच धर्तीवर दिलासा मिळत असतो. त्यामुळे सर्व सरकारी कर्मचाऱ्यांसाठी ही खुशखबर समजली जातेय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
