एअर इंडियाची मालकी टाटा समूहाकडे आली आहे. ही प्रक्रिया आज पूर्ण झाल्यानंतर टाटा सन्सचे अध्यक्ष एन चंद्रशेखरन (Natarajan Chandrasekaran) यांनी आम्हाला आनंद झालाय, अशी प्रतिक्रिया प्रसार माध्यमांशी बोलताना दिली.
"टाटा समूहात एअर इंडिया परत आल्याने आम्हाला आनंद झाला आहे. जागतिक दर्जाची एअरलाइन तयार करण्यासाठी आम्ही सर्वांसोबत चालण्यास उत्सुक आहोत", असे एन चंद्रशेखरन म्हणाले.
कर्जात बुडालेल्या सरकारी विमान कंपनी एअर इंडियासाठी टाटा सन्स या कंपनीची निविदा मंजूर करण्यात आली होती. एअर इंडियासाठी १८००० कोटीची बोली टाटा समूहाने लावली. जेआरडी टाटा (J. R. D. Tata) यांनी १९३२ मध्ये टाटा एअरलाइन्सची स्थापना केली होती तर १९५३ मध्ये या कंपनीचे राष्ट्रीयीकरण करण्यात आले होते. आता सात दशकांनंतर पुन्हा एकदा एअर इंडियाची मालकी टाटा समूहाकडे आल्याने टाटा सन्सचे अध्यक्ष एन चंद्रशेखरन यांनी आनंद व्यक्त केलाय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
