नवी दिल्ली - भारत देश आता जगाला भौतिक आणि आध्यात्मिक प्रगतीच्या मार्गावर नेईल, असे प्रतिपादन राष्ट्रीय स्वयंसेवक संघाचे सरसंघचालक मोहन भागवत यांनी बुधवारी केले. चंद्राच्या दक्षिण ध्रुवावर आतापर्यंत कोणालाही उतरता आलं नव्हतं. मात्र प्रदीर्घ मेहनतीनंतर तिथं उतरणारा पहिला देश होण्याचा मान भारतीय शास्त्रज्ञांनी मिळवला आहे. हे फक्त देशासाठी नाही, तर संपूर्ण जगाच्या मानवतेसाठी असल्याचं त्यांनी नमूद केलं.
भागवत म्हणाले, 'वसुधैव कुटुंबकम'च्या दृष्टीकोनातून संपूर्ण जगाकडे पाहणारा भारत जगाला शांती आणि समृद्धी देण्याच्या दिशेने वाटचाल करत आहे. शास्त्रज्ञांनी कठोर परिश्रमातून देशवासियांना दिलेल्या अभिमानास्पद क्षणाबद्दल आम्ही त्यांचे आभारी आहोत. सर्व शास्त्रज्ञांचे, प्रशासनाचे आभार मानतो. ज्यांनी त्यांना प्रोत्साहित केले, त्या सर्वांचे अभिनंदन करतो.
भागवत पुढं म्हणाले की, भारत जगाला भौतिक आणि आध्यात्मिक अशा दोन्ही प्रगतीच्या मार्गावर घेऊन जाईल, हे निश्चित आहे. स्वातंत्र्याच्या अमृत महोत्सवातील हा खऱ्या अर्थाने अमृत वर्षावाचा क्षण आपण सर्वांनी आपापल्या डोळ्यांनी पाहिला. आता आपण आपल्या कर्तव्याची जाणीव करून पुढे जाऊ, त्याचीच गरज असल्याचंही भागवत यांनी नमूद केलं.
भागवत म्हणाले, पुढे जाण्यासाठी आवश्यक सामर्थ्य, कलाकौशल्य, आवश्यक दृष्टी हे सर्व आपल्याकडे आहे. हे आज सिद्ध झालं आहे. मी पुन्हा एकदा सर्वांचे अभिनंदन करतो आणि मनापासून म्हणतो - भारत माता की जय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
