Mamata Banerjee Accident : ममता बॅनर्जी अपघातात जखमी; नेमकं काय घडलं?

नवी दिल्लीः पश्चिम बंगालच्या मुख्यमंत्री ममता बॅनर्जी यांच्या गाडीला अपघात झाला आहे. अपघातामध्ये ममता बॅनर्जी जखमी झालेल्या आहेत.

Mamata Banerjee Accident News

तृणमूल काँग्रेसच्या अध्यक्ष आणि पश्चिम बंगालच्या मुख्यमंत्री ममता बॅनर्जी कार अपघातात जखमी झालेल्या आहेत. ममता बॅनर्जींची गाडी दुसऱ्या एका वाहनाला धडकणार होती. अपघात होऊ नये म्हणून चालकाने अचानक ब्रेक लावल्याने गाडीत असलेल्या ममता बॅनर्जी किरकोळ जखमी झाल्या.

दरम्यान, ममता बॅनर्जी मागच्या वर्षी जूनमध्ये अपघातातमध्ये त्या जखमी झालेल्या होत्या. स्थानिक स्वराज्य संस्थेच्या निवडणुकीसाठी आयोजित रॅली आटोपून त्या हेलिकॉप्टरने जात होत्या. खराब हवामानामुळे त्यांचं हेलिकॉप्टर वैकुंठपूर येथील जंगल परिसरात पोहोचलं होतं. त्याचवेळी इमर्जन्सी लँडिंग करण्यात आली होती. त्यामुळे ममता बॅनर्जींच्या डाव्या पायाला जखम झाली होती.