सबस्क्राईब करा
लखनऊ: उत्तर प्रदेश सरकारने अतिवृष्टी आणि पुरामुळे पिकांचे नुकसान झालेल्या शेतकऱ्यांना मदत करण्याचा मोठा निर्णय घेतला आहे. त्यानुसार उत्तर प्रदेश सरकारने 77.88 कोटी रुपयांचं पॅकेज जाहीर केलं. उत्तर प्रदेशमधील सुमारे 2.35 लाख शेतकऱ्यांना याचा फायदा होणार आहे. पिकांच्या नुकसानीची माहिती घेतल्यानंतर सरकारने मदत पॅकेज जाहीर केले आहे. दरम्यान उत्तर प्रदेशमध्ये आगामी काळात निवडणुका पार पडणार आहेत. त्यामुळे योगी सरकारचा हा निर्णय महत्वाचा ठरणार आहे.
उत्तर प्रदेश सरकारने शेतकऱ्यांसाठी तब्बल 77,88,96,748 रुपयांचं पॅकेज जाहीर केलं. त्यानुसार उत्तर प्रदेशमधील 35 जिल्ह्यांतील 2,35,122 शेतकऱ्यांना या पॅकेजचा फायदा होणार आहे. शुक्रवारी एका उच्चस्तरीय बैठकीत मुख्यमंत्र्यांनी या परिस्थितीचा आढवा घेतला. अतिरिक्त मुख्य सचिव, महसूल मनोजकुमार सिंह यांनी मुख्यमंत्र्यांना माहिती दिली की, पूर आणि अतिवृष्टीमुळे शेती पिकांचे झालेल्या नुकसानीचे पंचनामे सुरू आहेत. त्यानुसार 35 जिल्ह्यांमध्ये 2,35,122 शेतकऱ्यांचं अतिवृष्टीमुळे नुकसान झालं आहे.
देवरिया, महाराजगंज, सिद्धार्थ नगर, गोरखपूर, मिर्झापूर, संत कबीर नगर, सीतापूर, कुशी नगर, बलिया, बहराइच, मौ, वाराणसी, झाशी, गाझीपूर, बाराबंकी, जालौन, खेरी, ललितपूर, चंदौली, कौशांबी, आंबेडकरनगर , बिजनौर, बस्ती, गोंडा, चित्रकूट, बलरामपूर, बांदा, औरैया, फर्रुखाबाद, पीलीभीत, लखीमपूर, कानपूर देहाट, भदोही, सुलतानपूर, आग्रा, आणि श्रावस्ती या 35 जिल्हयांचा समावेश आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.