Coimbatore Blast Case: आणखी दोन आरोपींवर आरोपपत्र दाखल; एनआयएची मोठी कारवाई

Coimbatore Blast Case:   राष्ट्रीय तपास संस्थेने (NIA) 2022 च्या ISIS-प्रेरित कोईम्बतूर कार बॉम्बस्फोट प्रकरणात आणखी दोन आरोपींवर आरोपपत्र दाखल केले आहे. एनआयएने आज दाखल केलेल्या आरोपपत्रात दहशतवादी हल्ल्याप्रकरणी मोहम्मद अझरुद्दीन उर्फ अझर आणि मोहम्मद इद्रिस, दोघेही कोईम्बतूरचे रहिवासी आहेत. त्यांच्यावर IPC, UA(P) कायदा आणि स्फोटक पदार्थ कायद्याच्या विविध कलमांखाली आरोप ठेवण्यात आले आहेत.

या प्रकरणात आतापर्यंत १३ आरोपींवर आरोपपत्र दाखल करण्यात आले आहे. एनआयएने यापूर्वी गेल्या वर्षी २० एप्रिल आणि २ जून रोजी एकूण ११ जणांवर आरोपपत्र दाखल केले होते.

गेल्या वर्षी दिवाळीच्या एक दिवस आधी कोईम्बतूरच्या संगमेश्वर मंदिरासमोर कारमध्ये सिलिंडरचा स्फोट झाला होता. या स्फोटात २५ वर्षीय जेमशा मुबीनचा मृत्यू झाला होता. जेमशा त्याच्या इतर साथीदारांसह दक्षिण भारतातील अनेक भागात बॉम्बस्फोटांचा कट रचत असल्याचे तपासात समोर आले.

अझरुद्दीनने अन्य तीन आरोपींना प्रेरित केल्याचे एनआयएच्या तपासातून समोर आले आहे, जे त्याला तुरुंगात असताना भेटले होते. यानंतर त्यांची बैठक झाली. या बैठकीत दहशतवादी हल्ल्याचे नियोजन आणि तयारी करण्यात आली होती. (Latest Marathi News)
 
तसेच मोहम्मद इद्रिस हा अझरुद्दीनच्या मॉड्यूलचा भाग होता. स्फोटासाठी वापरलेले वाहन खरेदी करणे आणि हल्ल्यातील मुख्य आरोपीला मदत करण्याचे काम त्याला सोपवण्यात आले होते. समाजाच्या विविध शाखांना म्हणजे सामान्य प्रशासन, पोलीस, न्यायव्यवस्था इत्यादींना लक्ष्य करून समाजातील एका वर्गाच्या मनात दहशत निर्माण करणे हा या कटाचा मोठा उद्देश होता.