प्रतिबंधित दहशतवादी संघटना ISIS शी संबंधित संशयितांना पकडण्यासाठी हा छापा टाकण्यात आल्याचं सांगण्यात येत आहे.
नवी दिल्ली : कोईम्बतूर कार बॉम्बस्फोट प्रकरणी (Coimbatore Car Bombing Case) राष्ट्रीय तपास यंत्रणा (NIA) सक्रिय झालीये. एनआयएचं पथक तामिळनाडू, कर्नाटक आणि केरळमधील अनेक ठिकाणी छापे टाकत आहे.
मिळालेल्या माहितीनुसार, NIA अधिकाऱ्यांनी 60 ठिकाणांचा शोध घेतलाय. प्रतिबंधित दहशतवादी संघटना ISIS शी संबंधित संशयितांना पकडण्यासाठी हा छापा टाकण्यात आल्याचं सांगण्यात येत आहे.
गेल्या वर्षी दिवाळीच्या एक दिवस आधी कोईम्बतूरच्या संगमेश्वर मंदिरासमोर कारमध्ये सिलेंडरचा स्फोट झाला होता. या स्फोटात 25 वर्षीय जेमशा मुबीनचा मृत्यू झाला. जेमशा त्याच्या इतर साथीदारांसह दक्षिण भारतातील अनेक भागात बॉम्बस्फोटांचा कट रचत असल्याचं तपासात समोर आलंय.
पोलिसांना जेमशाच्या घरात स्फोटकांचा मोठा साठा सापडला होता. झडतीदरम्यान कोईम्बतूर रेल्वे स्टेशन, शहर पोलीस आयुक्त कार्यालय, कोईम्बतूर जिल्हाधिकारी कार्यालय, रेसकोर्स आणि व्हिक्टोरिया हॉलचे नकाशेही सापडले. जेमशा ISIS च्या संपर्कात असल्याचंही पोलिसांनी सांगितलं.
कर्नाटकातील मंगळुरूमध्ये गेल्या वर्षी ऑक्टोबरमध्ये ऑटो रिक्षात प्रेशर कुकर बॉम्बचा स्फोट झाला होता. या स्फोटात आरोपी मोहम्मद शारिक हा देखील जखमी झाला. अनेक गुन्ह्यांमध्ये आरोपी शारिक बराच काळ फरार होता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
