चंदीगड: सच्चा डेराचा बाबा रहीमला मंजूर झालेला पॅरोल हा कायदेशीर असून निवडणुकीच्या काळात मिळाला असला तरी तो योगायोग आहे, असे स्पष्ट प्रतिपादन हरियाणाचे मुख्यमंत्री ओमप्रकाश खट्टर यांनी येथे पत्रकार परिषदेत सोमवारी केले.
बाबा रहीमला हरियाणा सरकारने आज पॅरोल मंजूर केला. काँग्रेसने मुख्यमंत्रीपदासाठी चरणजीत सजनी यांचं नाव रविवारी जाहीर केलं त्यामुळे पंजाबमध्ये जातीय समीकरणांमध्ये काही प्रमाणात बदल झाला आहे या पार्श्वभूमीवर दलित समाजामध्ये लक्षणीय पाठबळ असलेल्या बाबा रहीम मला हरियाणा सरकारने आज तातडीने पॅरोल मंजूर केला.
या पार्श्वभूमीवर पत्रकार परिषदेत याबाबत विचारणा केली असता, खट्टर म्हणाले, "कोणत्याही कैद्याने तीन वर्षे कैद पूर्ण केल्यानंतर तो पॅरोलसाठी पात्र ठरतो. त्यानुसार बाबा रहिमला पॅरोल मिळाला आहे. त्यामध्ये राज्य सरकारने कोणताही हस्तक्षेप केलेला नाही."
मतदानापूर्वी 12 दिवस अगोदर पॅरोल कसा मंजूर झाला, असे त्यांना विचारले असता निवडणुकीच्या काळातील हा तर एक केवळ योगायोग आहे, असे त्यांनी स्पष्ट केले.
पंजाबमध्ये 32 टक्के दलित मते आहेत. पंजाबच्या ग्रामीण भागात विशेषतः दलित समाजात राम राहिमचे अनुयायी मोठ्या प्रमाणात आहेत. काँग्रेसने खेळलेले दलित कार्ड पुसून काढण्यासाठी बाबा राहिमसाठी भाजपने पॅरोलची खेळी खेळली आहे, असे राजकीय सूत्रांचे म्हणणे आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
