नवी दिल्ली : जम्मू आणि काश्मीरच्या अनंतनागमध्ये तीन दिवसांपूर्वी दहशतवाद्यांशी झालेल्या धुमश्चक्रीत कर्नल मनप्रीत सिंग शहीद झाले. त्यांचं पार्थिव पंजाबमधील मोहाली इथल्या घरी शुक्रवारी आणण्यात आलं, त्यांना अखेरचा निरोप देताना एका प्रसंगामुळं उपस्थितांना गहिवरुन आलं.
त्याचं कारण म्हणजे मनप्रीत सिंग यांनी यांच्या लहान मुलानं वडिलांसारखा लष्करी गणवेश परिधान केला होता तसेच लहान मुलीनं त्यांना अखेरचा सॅल्युट केला. याचा व्हिडिओ देखील सोशल मीडियावर व्हायरल झाला आहे. (Colonel Manpreet Singh son wearing camouflage daughter salute father)
शहीद कर्नल मनप्रीत सिंग यांना दोन मुलं आहेत. यांपैकी ६ वर्षांचा मुलगा कबीर तर अडीच वर्षांची मुलगी वाणी अशी त्यांची नावं आहेत. वडिलांवर लष्करी इतमामात अंत्यसंस्कारावेळी या दोघांनी लष्करी गणवेशात आपल्या वडिलांच्या सर्वोच्च बलिदानाला सलाम केला. सिंग कुटुंबातील तिसऱ्या पिढितला सैन्यातील जवान असलेल्या मनप्रीत सिंग यांच्या मृत्यूनंतर त्यांच्या मागे त्यांची आई, पत्नी आणि दोन मुलं आहेत. (Latest Marathi News)
जम्मू आणि काश्मीर राज्यातील अनंतनाग जिल्ह्यातील कोकोरेनाग भागात तीन दिवसांपासून दहशतवाद्यांचा खात्मा करण्यासाठी लष्करानं मोहिम उघडली आहे. यावेळी दोन्ही बाजूंकडून जोरदार गोळीबार झाला. (Marathi Tajya Batmya)
यामध्ये दहशतवाद्यांच्या हल्ल्यात लष्कराचे दोन अधिकारी आणि एक स्थानिक पोलीस शहीद झाले. शहिदांमध्ये कर्नल मनप्रीत सिंग हे राष्ट्रीय रायफल्सचे कमांडिंग ऑफिसर होते. तर जम्मू आणि काश्मीरचे अनंतनाग जिल्ह्याचे पोलीस उपाधिक्षक हुमायू भट हे गंभीर जाखमी झाले होते. नंतर उपचारांदरम्यान त्यांचा मृत्यू झाला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
