भोपाळ : रीवा जिल्ह्यातील नगरसेवकपदाच्या निवडणुकीत पराभव झाल्यानंतर काँग्रेस (Congress) उमेदवाराचा हृदयविकाराच्या झटक्याने मृत्यू (Dies) झाला. नगर परिषदेच्या प्रभाग ९ मधून काँग्रेसच्या तिकिटावर हरिनारायण गुप्ता निवडणुकीच्या रिंगणात होते. मात्र, अपक्ष उमेदवार अखिलेश गुप्ता यांनी हरिनारायण यांचा १४ मतांनी पराभव केला. ही बातमी कळताच त्यांना हृदयविकाराचा झटका आला आणि त्यांचा मृत्यू झाला.
हरिनारायण गुप्ता हे काँग्रेस (Congress) पक्ष हनुमानाचे मंडलम अध्यक्षही होते. आम आदमी पक्षाने महापालिकेच्या माध्यमातून मध्य प्रदेशात प्रवेश केला आहे. सिंगरौली येथे आपच्या नगराध्यक्षपदाच्या उमेदवार राणी अग्रवाल यांनी ९,१५९ मते मिळवून विजय मिळवला आहे. त्यांनी काँग्रेसचे अरविंद चंदेल यांचा पराभव केला तर भाजपचे चंद्रप्रकाश विश्वकर्मा तिसरे आले.
आम आदमी पक्षाचे (AAP) संस्थापक आणि दिल्लीचे मुख्यमंत्री अरविंद केजरीवाल स्वतः सिंगरौली येथे प्रचारासाठी आले होते. येथे त्यांनी रोड शो केला होता. यावेळी मोठी गर्दी जमली होती. दुसरीकडे एमआयएमचे अध्यक्ष असदुद्दीन ओवैसी यांच्या पक्षाने जबलपूरमधील दोन जागा ताब्यात घेतल्या आहेत.
एमआयएमने (MIM) मध्य प्रदेशातील नागरी संस्थांच्या निवडणुकीत पहिला निवडणूक विजय नोंदवला आहे. खांडवा शहरातील नगरसेवकपदी एमआयएमची महिला उमेदवार विजयी झाली. तर एमआयएमचा दुसरा उमेदवार शकीरा बिलाल यांनी खंडवा महानगरपालिकेच्या प्रभाग क्रमांक १४ मधून काँग्रेसच्या नूरजहाँ बेगम यांचा २८५ मतांनी पराभव करून निवडणूक जिंकली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
