नवी दिल्ली : देशात ओमिक्रॉनमुळे कोरोनाची रुग्णसंख्या झपाट्यानं वाढत आहे. त्यातच पाच राज्यांत विधानसभा निवडणुका होत आहेत. पण, या निवडणुका पुढे ढकलण्याची मागणी काँग्रेस नेत्यानं केली आहे. याबाबत त्यांनी दिल्ली उच्च न्यायालयात जनहित याचिका दाखल केली आहे.
जगदीश शर्मा हे काँग्रेसचे नेते आहेत. देशात कोरोनाची रुग्णसंख्या झपाट्याने वाढत आहे. कोरोनाची तिसरी लाट आली आहे. त्यामुळे पाचही राज्यातील विधानसभा निवडणुका काही आठवडे किंवा काही महिने पुढे ढकलण्यात याव्या. याबाबत न्यायालयाने निवडणूक आयोगाला निर्देश द्यावे, अशी विनंती शर्मा यांनी याचिकेतून केली आहे.
गोवा, मणिपूर, उत्तराखंड, पंजाब, उत्तर प्रदेश या राज्यात विधानसभा निवडणुका आहेत. त्यानिमित्त प्रचारासाठी राजकीय पक्षाचे नेते या राज्यात जातात. त्यांना दिल्लीत येताना १४ दिवस किंवा त्यापेक्षा कमी विलगीकरणाचा कालावधी ठेवण्याचे निर्देश दिल्ली सरकारला जारी करावेत, असंही या याचिकेत म्हटलं आहे. इतकेच नाहीतर त्यांनी कोरोनाच्या काळात देशातील अपुऱ्या सोयी-सुविधांकडे देखील लक्ष वेधलं आहे. तिसऱ्या लाटेदरम्यान रुग्णांची गौरसोय होऊ नये यासाठी आवश्यक सेवांचा योग्य पुरवठा झाला पाहिजे. त्यासाठी केंद्र आणि राज्य सरकार यांना नियोजन करण्याचे निर्देशही न्यायालयानं द्यावे, अशी विनंती देखील त्यांनी केली.
दरम्यान, उत्तर प्रदेश, गोवा, पंजाब, उत्तराखंड आणि मणिपूर या राज्यांच्या विधानसभा निवडणुका १० फेब्रुवारीपासून सुरू होत असून ७ मार्चला संपणार आहेत. १० मार्चला निकाल लागणार आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
