काँग्रेसचे माजी अध्यक्ष राहुल गांधी यांनी आपल्या आई सोनिया गांधींना एक भेट दिली आहे. त्यांनी गिफ्ट म्हणून सोनियांना जॅक रसेल टेरियर जातीचं एक कुत्र्याचं पिल्लू दिलं आहे. याचा व्हिडिओ राहुल गांधींनी आपल्या यूट्यूब चॅनलवर शेअर केला आहे.
राहुल गांधींच्या या व्हिडिओमध्ये दिसतंय, की ते गोवा दौऱ्यावर असतानाच कुत्र्यांच्या या पिल्लांना भेटले आहेत. राहुल त्यांच्यासोबत खेळतानाही दिसत आहेत. नंतर यातीलच एक पिल्लू घेऊन ते दिल्लीला गेले. ही आता आमच्या कुटुंबातील एक सदस्य झाल्याचं राहुल गांधींनी म्हटलं आहे.
आपल्या सोबत घेऊन गेलेल्या पिल्लाचं नाव राहुल गांधींनी नूरी असं ठेवलं आहे. हे पिल्लू त्यांनी एका बास्केटमध्ये ठेऊन सोनिया गांधींना भेट म्हणून दिलं. सोनियांनी अतिशय आनंदाने नूरीला उचलून घेतलं, आणि राहुल यांना या गिफ्टसाठी धन्यवाद म्हटलं.
यानंतर या व्हिडिओमध्ये गांधी कुटुंबीयांच्या घरी नूरी खेळताना दिसत आहे. राहुल गांधींनी जागतिक पशु दिनाच्या औचित्याने हा व्हिडिओ पोस्ट केला आहे. नूरी गोव्यातून थेट आमच्या कुशीत आली, आणि आमच्या आयुष्याचा प्रकाश झाली आहे. हा सुंदर प्राणी आपल्याला प्रामाणिकपणा आणि भरपूर प्रेम करणं शिकवतो. असं राहुल गांधी म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.