पाकिस्तानवर लष्करानं केलेल्या सर्जिकल स्ट्राईकवर आम्ही प्रश्न उपस्थित करत नाही, फक्त व्हिडिओ तो मागत आहोत.
नवी दिल्ली : काँग्रेस नेते दिग्विजय सिंह (Digvijay Singh) यांनी सर्जिकल स्ट्राईकवर (Surgical Strike Pakistan) उपस्थित केलेल्या प्रश्नांनंतर हा वाद थांबण्याचं नाव घेत नाहीये. आता राशिद अल्वी यांनीही याबाबतचे पुरावे मागितले आहेत.
काँग्रेस नेते रशीद अल्वी (Congress leader Rashid Alvi) म्हणाले, माझा सुरक्षा दलांवर (Indian Army) पूर्ण विश्वास आहे, पण भाजप सरकारवर (BJP Government) विश्वास नाही. यासोबतच त्यांनी याबाबतचा व्हिडिओ जारी करण्याची मागणी सरकारकडं केलीये.
रशीद अल्वी पुढं म्हणाले, दिग्विजय सिंह यांनी सरकारला विचारलेल्या प्रश्नांबाबत काहीही चुकीचं नाही. सर्जिकल स्ट्राईकचा व्हिडिओ सरकारकडं असेल तर तो दाखवावा, असं काँग्रेस नेत्यानं म्हटलंय. दिग्विजय सिंह सरकारला व्हिडिओ दाखवायला सांगत आहेत त्यात काय चूक? आम्ही सर्जिकल स्ट्राईकचे पुरावे मागत नाही, पण सरकारनं आपल्या दाव्याचा व्हिडिओ दाखवावा, असंही त्यांनी म्हटलंय.
अल्वी म्हणाले, भाजप नेहमीच खोटे बोलतो आणि त्यात माहिर आहे. पाकिस्तानवर लष्करानं केलेल्या सर्जिकल स्ट्राईकवर आम्ही प्रश्न उपस्थित करत नाही, फक्त व्हिडिओ तो मागत आहोत. भाजप सरकारकडं व्हिडिओ नसेल तर त्यांनी देशाची माफी मागावी, असंही त्यांनी स्पष्ट केलंय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
