'भाजप द्वेष पसरवून देश तोडण्याचं काम करत आहे. देशाची मानसिकता मोडीत काढण्याचा हा प्रयत्न आहे.'
मुरादाबाद : माजी परराष्ट्र मंत्री आणि काँग्रेस नेते सलमान खुर्शीद (Salman Khurshid) यांनी राहुल गांधी (Rahul Gandhi) यांची तुलना भगवान श्रीरामाशी (Lord Shri Ram) केलीये. प्रभू राम सर्वत्र जाऊ शकत नाहीत. मात्र, त्यांचा काफिला खूप दूरवर जातो, असं त्यांनी आपल्या वक्तव्यात म्हटलंय. (Rahul Gandhi News)
प्रभू रामाची भूमिका घेऊन आम्ही (काँग्रेस) चालत आहोत. हा काफिला आता उत्तर प्रदेशात आला आहे, त्यामुळं रामही येणार आहे. राहुल गांधी योगीप्रमाणं तपश्चर्या करत आहेत, असंही खुर्शीद यांनी सांगितलं.
यूपीच्या मुरादाबाद सर्किट हाऊसमध्ये काँग्रेस नेते खुर्शीद पुढं म्हणाले, 'भाजप द्वेष पसरवून देश तोडण्याचं काम करत आहे. देशाची मानसिकता मोडीत काढण्याचा हा प्रयत्न आहे. राहुल गांधी सुपर ह्युमन आहेत. कडाक्याच्या थंडीत ते टी-शर्ट घालूनच बाहेर पडतात.'
दरम्यान, खुर्शीद कोविडचं संकट वाढण्याच्या आणि मास्क घालण्याच्या प्रश्नावर उत्तर देण्याऐवजी पत्रकारांवरच भडकले. ते म्हणाले, तुमच्यापैकी फक्त एकानंच मास्क घातला आहे. भाजपचं म्हणणं का मान्य करायचं? आमचे नेते राहुल गांधी यांनी यापूर्वीही कोरोनाबाबत इशारा दिला होता; पण त्याकडं दुर्लक्ष करण्यात आलं, असंही त्यांनी स्पष्ट केलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
