Shot Dead: एकाने हात पकडला तर दुसऱ्याने छातीत मारली गोळी अन्....; काँग्रेस नेत्यासमोरच केली भावाची हत्या

दिल्ली-एनसीआरच्या फरिदाबादमध्ये एक धक्कादायक घटना समोर आली आहे. येथील नवादा कोह गावात राहणाऱ्या काँग्रेस नेत्याच्या भावाची काल(रविवारी) रात्री गोळ्या झाडून हत्या करण्यात आली. या घटनेबाबत तक्रार देताना काँग्रेस नेत्याने सांगितले की, त्यांच्या भावाचा काही लोकांशी पैशाच्या व्यवहारावरून वाद होता. या वादातून त्याच्या भावाची दोन जणांनी गोळ्या झाडून हत्या केली. या घटनेबाबत पोलिसांनी गुन्हा दाखल केला आहे. पोलिसांनी दोन पथके तयार केली असून ते आरोपींच्या अड्ड्यांवर छापे टाकत आहेत.

हे प्रकरण फरिदाबादच्या नवादा कोह गावातील आहे. येथे रविवारी रात्री काँग्रेस नेते ज्योतेंद्र भडाणा यांचा भाऊ कुणाल भडाणा यांचा विजय आणि बिल्लू यांच्यासोबत पैशांच्या व्यवहारावरून वाद झाला. वादानंतर कुणाल हा मित्रासोबत मशीद चौकाजवळ उभा होता. यावेळी विजय आणि बिल्लूही तेथे पोहोचले, ज्यांच्याशी कुणालचा वाद सुरू होता. कुणाल, विजय आणि बिल्लू मस्जिद चौकात येताच त्यांच्यात वाद सुरू झाला. वाद इतका टोकाला गेला की विजय आणि बिल्लूने कुणालची गोळ्या झाडून हत्या केली.

काँग्रेस नेते ज्योतेंद्र भडाणा यांनी आपल्या भावाच्या हत्येप्रकरणी पोलिसांत तक्रार दाखल केली आहे. पोलिसात तक्रार दाखल करताना काँग्रेस नेत्याने सांगितले की, मला दोन लोकांमध्ये भांडण झाल्याची माहिती त्यांच्या भावाकडून मिळाली होती. माहिती मिळताच ते घटनास्थळी पोहोचले असता बिल्लूने त्याचा भाऊ कुणालचा हात पकडून विजयने त्याच्या छातीत गोळी झाडल्याचे दिसले. यानंतर दोन्ही आरोपी त्यांच्या कारमधून पळून गेले. ज्योतेंद्र यांनी सांगितले की, गोळी लागल्यावर त्यांनी कुणालला रुग्णालयात नेले. मात्र, येथील डॉक्टरांनी कुणालला मृत घोषित केले.

काँग्रेस नेत्याच्या तक्रारीवरून पोलिसांनी आयपीएसच्या कलम 302 आणि 34 अंतर्गत गुन्हा दाखल केला आहे. घटनेची माहिती देताना डबुआ पोलिसांनी सांगितले की, आरोपींचा शोध सुरू आहे. त्यांना पकडण्यासाठी पोलिसांनी दोन पथके तयार केली आहेत. पोलिसांची पथके आरोपींच्या अड्ड्यांवर छापे टाकत आहेत.