Karnataka Election Result: निकालाआधीच कर्नाटकात मुख्यमंत्रिपदासाठी काँग्रेस पक्षात शर्यत; 'या' दोन दिग्गज नेत्यांमध्ये टक्कर

Karnataka Election Result 2023:कर्नाटक विधानसभा निवडणुकीच्या मतमोजणीला आज सकाळी 7 वाजल्यापासून सुरुवात झाली. समोर आलेल्या माहितीनुसार आता काँग्रेस आघाडीवर असल्याचं दिसून येत आहे.

कर्नाटकात काँग्रेसने जोरदार आघाडी घेतली आहे. कर्नाटकात काँग्रेस १०० हून अधिक जागांवर आघाडीवर आहे. कल सातत्याने बदलताना दिसून दिसून येत आहे. मिळालेल्या आघाडीमुळे कर्नाटकात काँग्रेस कार्यकर्त्यांचा उत्साह शिगेला पोहोचला आहे.

याचदरम्यान, कर्नाटकात काँग्रेसमध्ये मुख्यमंत्रीपदासाठी शर्यत सुरू झाली आहे. कर्नाटकात शिवकुमार आणि सिद्धरामय्या या दोघांची नावे मुख्यमंत्रिपदासाठी चर्चेत आहे. (Latest Political Marathi News)

काँग्रेस बहुमताच्या जवळ आहे. यावेळी कर्नाटकच्या जनतेने काँग्रेसची निवड केल्याचं काँग्रेस नेत्यांनी म्हंटलं आहे. अशातच आता काँग्रेस कोणाची मुख्यमंत्री पदासाठी निवड करणार या चर्चेला उधाण आलं आहे.

काँग्रेसच्या गोटात हालचालींना वेग

कर्नाटकात भाजपसह काँग्रेसच्या गोटात हालचालींना वेग आला आहे. घोडेबाजार थांबवण्यासाठी काँग्रेस कंबर कसत आहे. सध्या मतमोजीणी सुरु असून हाती आलेल्या निकालानुसार काँग्रेस आघाडीवर आहे. दरम्यान, मोठी अपडेट समोर आली आहे.

घोडेबाजार थांबवण्यासाठी काँग्रेसने सर्व आमदारांना बंगळुरूला बोलावंल आहे. नेमकं कारण अद्याप स्पष्ट झालं नाही. पण कर्नाटकात काँग्रेसची सत्ता आल्यास मुख्यमंत्री कोण होणार?

असा सवाल पक्षासह देशभरात उपस्थित होत आहे. मुख्यमंत्रीपदासाठी संकटमोचक ठरलेले डी. के. शिवकुमार आणि सिद्धरामय्या यांच्या चुरस पाहायला मिळत आहे. सिद्धरामय्या हे माजी मुख्यमंत्री आहेत.

निवडून आलेल्या नेत्यांना आमदारांना एकत्र करण्याची तयारी सुरू झाली आहे. तशाच हालचाली भाजपकडून सुरू झाल्या आहेत. किंगमेकर असणाऱ्या जेडीएसचे नेते एच. डी. कुमारस्वामी यांच्याशी भाजपच्या केंद्रीय नेत्यानी चर्चा आणि बैठका सुरू केल्या आहेत.

तर काँग्रेसचेही काही नेते जेडीएसच्या संपर्कात आहेत. बहुमताचा आकडा सातत्याने बदलत असल्याचे दिसून येत आहे. त्यामुळे भाजप आणि काँग्रेसकडून मोठ्या हालचाली सुरू करण्यात आलेल्या आहेत.