कोलकता ः यंदाच्या लोकसभा निवडणुकीत काँग्रेसला २०१९ च्या तुलनेत जास्त जागा मिळतील, असा दावा करीत तमिळनाडू आणि केरळमध्ये ‘इंडिया’ आघाडी दणदणीत विजय मिळवेल, असे भाकीत पक्षाचे ज्येष्ठ नेते पी. चिदंबरम यांनी शनिवारी केले. ‘पीटीआय’ला दिलेल्या मुलाखतीत ते म्हणाले, ‘‘हिंदू धर्म किंवा हिंदूंना कोणताही धोका नव्हता. ‘हिंदूंचे तारणहार’ अशी मोदी यांची प्रतिमा उभी करण्यासाठी सर्व विरोधी पक्ष हिंदूविरोधी असल्याचे चित्र निर्माण करणे ही भाजपने आखलेली रणनीती होती.
’’ पश्चिम बंगालच्या मुख्यमंत्री आणि तृणमूल काँग्रेसच्या अध्यक्षा ममता बॅनर्जी या निवडणुकीत ‘मुख्य खेळाडू’ असून राज्यात सत्ता राखण्याची त्यांची क्षमता ‘इंडिया’ आघाडीला बळकट करेल, असे त्यांनी सांगितले. चिदंबरम म्हणाले की, मी सर्व राज्यांबाबत सांगू शकत नाही.पण तमिळनाडूमध्ये ‘इंडिया’ दणदणीत विजयाची नोंद करेल, असा अंदाज मी निश्‍चितपणे व्यक्त करू शकतो. खात्रीने सांगू शकत असा मी आत्मविश्वासाने अंदाज बांधू शकतो.
केरळात दोन आघाड्या (यूडीएफ आणि एलडीएफ) हे २० जागा मिळवतील. तेथे भाजपला काही मिळणार नाही. कर्नाटक आणि तेलंगणमध्ये काँग्रेसची सरकारे लोकप्रिय आहेत आणि २०१९ च्या तुलनेत काँग्रेसला जास्त जागा मिळतील. त्यावेळी काँग्रेसला ५२ जागा मिळाल्या होत्या.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
