नवी दिल्लीः देशामध्ये कोरोना विषाणूग्रस्त रुग्ण झपाट्याने वाढत आहेत. त्यामुळे आरोग्य यंत्रणेसह इतर प्रशासकीय यंत्रणांवर मोठा ताण येत आहे. मागच्या २४ तासांमध्ये तर कोरोनाचा आकडा ११ हजारांच्या पुढे गेलाय.
देशाच्या आरोग्य मंत्रालयाकडून आज देण्यात आलेल्या माहितीनुसार मागच्या २४ तासांमध्ये देशात ११ हजार १०९ नवीन कोरोनाचे रुग्ण आढळून आलेले आहेत. त्यामुळे देशात कोरोनाच्या सक्रीय रुग्णांची संख्या ४९ हजारांच्या पुढे गेलीय.
हेही वाचाः Credit Card फसवणूक....काय घ्याल काळजी?
काल म्हणजे १३ एप्रिल रोजी १० हजार १५८ नवीन रुग्ण आढळून आलेले होते. दिवसेंदिवस कोरोनाचे रुग्ण मोठ्या प्रमाणावर वाढत असल्याचं निदर्शनात येत आहे. पुढील १० दिवस कोरोना रुग्णसंख्येत अशीच वाढ होणार असल्याचं तज्ज्ञ सांगत आहेत. त्यानंतर कोरोना कमी होईल, असंही सांगितलं जातंय.
देशात ९ एप्रिल रोजी ५ हजार ३५७ कोरोना रुग्ण आढळले होते. १० एप्रिल रोजी ५ हजार ८८० रुग्ण, ११ एप्रिल रोजी ५ हजार ६७६, १२ एप्रिल रोजी ७ हजार ८३० तर १३ एप्रिल रोजी १० हजार १५८ कोरोना रुग्ण आढळले होते.
दररोज हजारांच्या घरात कोरोना रुग्ण आढळून येत असल्याने चिंता व्यक्त होत आहे. सध्या कोरोना ५० हजारांच्या घरात असला तरी तो झपाट्याने वाढत आहे. पुढच्या आठवड्यानंतर रुग्णसंख्या कमी होण्याची शक्यत वर्तवण्यात येतेय. मुंबईमध्ये महानगर पालिका कर्मचाऱ्यांना आणि महापालिकेच्या रुग्णालयांमध्ये मास्कसक्ती करण्यात आलीय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
