सबस्क्राईब करा
नवी दिल्ली : भारतात (India) गेल्या जानेवारी महिन्यापासून लसीकरणास सुरुवात करण्यात आली. फ्रंटलाईन वर्कर्स आणि त्यानंतर 18 वर्षे वयावरील लोकांना ही लस देण्यात येऊ लागली. गेल्या काही दिवसांपासून 15 ते 18 वर्षे वयोगटाला लस देण्यात येऊ लागली आहे. त्यानंतर आता 12 ते 14 वयोगटातील मुलांच्या लसीकरणाची (Corona Vaccination) चर्चा सुरु झाली आहे. 15 ते 18 वयोगटातील मुलांचे लसीकरण मार्च महिन्यापर्यंत पूर्ण होण्याची शक्यता आहे त्यामुळे 12 ते 14 वयोगटातील मुलांचे लसीकरण मार्च महिन्यात सुरु होऊ शकते, असं मत NTAGI चे चेअरमन डॉ. एन. के. अरोरा (Dr N K Arora) यांनी मांडलं आहे.
15-18 वयोगटातील अंदाजे 7.4 कोटी (7,40,57,000) लोकसंख्येपैकी, 3.45 कोटींहून अधिक लोकांना आतापर्यंत Covaxin चा पहिला डोस मिळाला आहे आणि त्यांचा दुसरा डोस 28 दिवसांत देणे प्रस्तावित आहे, असे ते म्हणाले आहेत. या वयोगटातील पौगंडावस्थेतील मुले लसीकरण प्रक्रियेत सक्रियपणे सहभागी होत आहेत आणि त्यांच्या लसीकरणाची गती पाहता, 15-18 वयोगटातील उर्वरित लाभार्थींना जानेवारी-अखेरपर्यंत पहिल्या डोस दिला जाऊ शकतो. त्यांना दुसरा डोस फेब्रुवारीच्या अखेरीस दिला जाण्याची अपेक्षा आहे, असं नॅशनल टेक्निकल अ‍ॅडव्हायझरी ग्रुप ऑन इम्युनायझेशन (NTAGI) च्या कोविड वर्किंग ग्रुपचे अध्यक्ष अरोरा म्हणालेत.
एकदा 15-18 वयोगटाचे लसीकरण झाले की, मार्चमध्ये 12-14 वयोगटासाठी लसीकरण मोहीम सुरू करण्यासाठी सरकार धोरणात्मक निर्णय घेण्याची शक्यता आहे. त्यांच्या मते, १२-१४ वयोगटातील अंदाजे ७.५ कोटी लोकसंख्या आहे, असंही त्यांनी नमूद केलंय.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
