भारत सरकारने झायडस कॅडिला कंपनीकडे १ कोटी डोसची ऑर्डर दिली होती. झायकोव्ह डी ही जगातील पहिली DNA बेस्ड कोरोना लस तयार केली आहे.
नवी दिल्ली - कोरोना (Coronavirus) लढ्यात भारताला (India) आणखी एक लस मिळाली आहे. फार्मा कंपनी झायडस कॅडिलाकडून (Zydus Cadila) झायकोव्ह डी लसीचा पुरवठा सुरु केला आहे. पहिल्या टप्प्यातील साठा भारताकडे सुपुर्द कऱण्यात आल्याची माहिती कंपनीने दिली आहे. नोव्हेंबरमध्ये भारत सरकारने कोरोना लशीच्या (Vaccine) १ कोटी डोसची ऑर्डर मिळाल्याचं कंपनीने सांगितलं होतं.
झायडस कॅडीला कंपनीने झायकोव्ह डी ही जगातील पहिली DNA बेस्ड कोरोना लस तयार केली आहे. ही लस ७७ टक्क्यांपर्यंत प्रभावी असल्याचं चाचणीतून समोर आलं होतं. भारत सरकारने २६५ रुपये प्रतिडोस या दराने लशीची खरेदी केली आहे. तसंच सुई नसलेल्या एप्लिकेटरसाठी प्रत्येकी ९३ रुपये जीएसटी वगळून द्यावे लागणार असल्याचं कंपनीने सांगितलं होतं.
झायडस कॅडीलाची ही लस ३५८ रुपयांना (करांव्यतरिक्त) उपलब्ध होणार आहे. या किमतीमध्ये ९३ रुपये किमतीच्या ‘जेट ॲप्लिकेटर’चाही समावेश आहे. या लसीचे तीन डोस घ्यावे लागणार आहेत. प्रत्येक डोस २८ दिवसांच्या मुदतीने घ्यायचा आहे. ही डीएनए आधारित व सुई विरहित लस आहे.
‘झायकोव्ह-डी’ या लसीला २० ऑगस्ट रोजी औषध नियंत्रकांनी आपत्कालीन वापरासाठी परवानगी दिली होती. या लसीचा समावेश राष्ट्रीय लसीकरण कार्यक्रमात करण्यात येणार असल्याचे नीती आयोगाचे सदस्य डॉ. व्ही. के. पॉल यांनी ३० सप्टेंबर रोजी सांगितले होते. दर महिन्याला एक कोटी लसींचे डोस देण्याची क्षमता झायडस कॅडिला कंपनीची आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
