कोरोना विषाणूची दररोजची आकडेवारी पुन्हा वाढत आहे.
नवी दिल्ली : कोरोना विषाणूची (Coronavirus) दररोजची आकडेवारी पुन्हा वाढत आहे. केंद्रीय आरोग्य मंत्रालयानं (Union Ministry of Health) शनिवारी (30 जुलै) शेअर केलेल्या आकडेवारीनुसार, गेल्या 24 तासांत कोरोना संसर्गाचे 20,408 नवीन रुग्ण आढळले आहेत आणि 20,958 रुग्ण बरे झाले आहेत. त्याच वेळी कोविडमुळं एकाच दिवसात 54 लोकांचा मृत्यू झालाय.
देशातील दैनंदिन सकारात्मकता दर 5.05 टक्क्यांहून अधिक आहे. आदल्या दिवशी भारतात 1,43,988 सक्रिय प्रकरणं नोंदवली गेली. 24 तासांत कोरोना सक्रिय प्रकरणांमध्ये 604 प्रकरणांची घट नोंदवण्यात आलीय. मंत्रालयानं म्हटलंय की, एकूण संक्रमणांपैकी 0.33 टक्के सक्रिय प्रकरणं आहेत. देशात कोरोना लसीकरणाची संख्या 2,03,94,33,480 आहे. त्याचबरोबर गेल्या 24 तासांत 33 लाख 87 हजार 173 लसीचे डोस देण्यात आले आहेत.
सध्या देशातील कोरोना रिकव्हरी रेट 98.48 टक्के असून एकूण रिकव्हरी डेटा 4,33,30,442 आहे. आता देशात कोरोनामुळं मरण पावलेल्यांची एकूण संख्या 5,26,312 झालीय. भारतात कोविड-19 महामारीमुळं पहिला मृत्यू मार्च 2020 मध्ये झाला होता. इंडियन कौन्सिल ऑफ मेडिकल रिसर्च (ICMR) नुसार, 29 जुलैपर्यंत कोरोनासाठी 87,48,11,197 नमुने तपासण्यात आले आहेत. त्यापैकी 4,04,399 नमुन्यांची शुक्रवारी चाचणी करण्यात आलीय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
