भारतात कोरोना विषाणूची प्रकरणं झपाट्यानं वाढत आहेत.
नवी दिल्ली : भारतात कोरोना विषाणूची (Coronavirus) प्रकरणं झपाट्यानं वाढत आहेत. रविवार, 26 जूनपर्यंत केंद्रीय आरोग्य मंत्रालयाच्या (Union Ministry of Health) आकडेवारीनुसार, भारतात 11,739 नवीन कोविड -19 प्रकरणं नोंदली गेली आहेत. मंत्रालयानं सांगितलं की, गेल्या 24 तासांत 25 जणांचा मृत्यू झालाय. तर, गेल्या 24 तासांत कोविड-19 मधून 10,917 लोक बरे झाले आहेत. दरम्यान, शनिवारी कोरोनाचे 15,940 रुग्ण आढळले होते.
भारतात सक्रिय रुग्णांची संख्या 92 हजारांच्या पुढं गेलीय. आज कोरोना सक्रिय रुग्णांची संख्या 92,576 आहे. आरोग्य मंत्रालयानं सांगितलं की, एकूण संसर्गांपैकी 0.21 टक्के सक्रिय प्रकरणं आहेत, तर देशातील कोरोना बरं होण्याचं प्रमाण 98.58 टक्क्यांपेक्षा जास्त आहे.
आकडेवारीनुसार, देशातील दैनंदिन सकारात्मकता दर (Positivity Rate) 2.59 टक्के नोंदवला गेलाय. साप्ताहिक सकारात्मकता दर 3.25 टक्के नोंदवला गेला. दरम्यान, कोरोना मृत्यू दर 1.21 टक्के नोंदवला गेला आहे. देशात आतापर्यंत 5,24,999 लोकांचा कोरोनामुळं मृत्यू झाला आहे. तर, देशातील कोरोना संसर्गाची एकूण संख्या 43.39 दशलक्षांवर पोहोचलीय.
सध्या देशात कोरोना लसीकरणाचा आकडा 1,97, 08, 51,580 आहे. गेल्या 24 तासांत 12 लाख 72 हजार 739 लसीचे डोस देण्यात आले आहेत. भारतातील कोविड संख्या 19 डिसेंबर 2020 रोजी एक कोटीचा टप्पा ओलांडली होती. हा आकडा 4 मे रोजी दोन कोटी आणि गेल्या वर्षी 23 जून रोजी तीन कोटींच्या पुढं गेला होता. यावर्षी 25 जानेवारी रोजी भारतातील कोविडची संख्या चार कोटींचा टप्पा ओलांडलीय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
