भारतासह जगभरात करोना विषाणूच्या (COVID-19) दुसऱ्या लाटेनं थैमान घातलं आहे. कोरोनाच्या तिसऱ्या लाटेचा लहान मुलांवर जास्त परिणाम होऊ शकतो, असा अंदाज तज्ज्ञांनी व्यक्त केलाय. अशा परिस्थितीत करोनावरील लसीवर जगभरात संशोधन सुरू आहे. अमेरिकेनं 12 ते 18 वर्षांतील मुलांना लस देण्याची आपतकालीन परवानगी दिली आहे. मात्र, मुलांना ही लस किती परिणामकारक आहे, याबाबत अद्याप कोणताही माहिती नाही. काही देशांना पहिल्या आणि दुसऱ्या टप्प्यात यशही मिळालं आहे. परंतु अशातच आणखी एक दिलासादायक बातमी समोर आली आहे. भारत बायोटेक कंपनीच्या कोव्हॅक्सीन (Bharat Biotech's COVID-19 vaccine Covaxin) लसीला दोन ते 18 वयोगटातील मुलांवर चाचणीसाठी (clinical trial) मुंजूरी मिळाली आहे.
सब्जेक्ट एक्सपर्ट कमेटीने (SEC) मंगळवारी उशीरा याबातचा निर्णय घेतला. 2 ते 18 वयोगटातील मुलांसाठी भारत बायोटेकच्या कोव्हॅक्सीन लसीला क्लिनिकल चाचणीला परवानगी दिली आहे. पुढील काही दिवसांत कोव्हॅक्सीनची (Bharat Biotech's COVID-19 vaccine Covaxin) दुसऱ्या आणि तिसऱ्या टप्प्यातील क्लिनिकल चाचणी (clinical trial) होईल. यामध्ये भारत बायोटेकला यश आल्यास, जगभरातील ही पहिली कंपनी ठरणार आहे. आतापर्यंत लहान मुलांसाठी कोणतीही लस आलेली नाही.
कोव्हॅक्सीनची (Bharat Biotech's COVID-19 vaccine Covaxin) क्लिनिकल चाचणी 525 जणांवर करण्यात येणार आहे. दिल्लीतील एम्स, पाटना एम्स, नागपुरमधील MIMS या रुग्णालयात कोव्हॅक्सीनची क्लिनिकल चाचणी पार पडणार आहे. सब्जेक्ट एक्सपर्ट कमेटीनुसार (SEC) तिसरी क्लिनिकल चाचणी सुरु करण्यापूर्वी भारत बायोटेकला दुसऱ्या चाचणीचा डेटा उपलब्ध करावा लागणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
