नवी दिल्ली : देशात कोरोनाच्या तिसऱ्या लाटेचं थैमान सध्या सुरु आहे. मात्र, ही लाट दुसऱ्या लाटेइतकी गंभीर दिसून येत नाहीये. (Third Wave of Corona) सध्या देशातील कोरोनाची परिस्थिती नेमकी कशी आहे, ते आकडेवारीच्या माध्यमातून केंद्रीय आरोग्य मंत्रालयाने (Health Ministry) सांगण्याचा प्रयत्न केला आहे. तसेच कोरोनाच्या संकटाला दोन हात करण्यासाठी लसीकरणाची मोहिम सुरु असून तिची सध्यस्थितीतील अवस्था कशी आहे, याबाबतची माहितीही देण्यात आली आहे. (Corona Vaccination in India)
केंद्रीय आरोग्य मंत्रालयाने दिलेल्या माहितीनुसार, देशातील 16 राज्ये आणि केंद्रशासित प्रदेशांमध्ये 100 टक्के लसीकरण करण्यात आलं आहे. तर 4 राज्यांमध्ये आणि केंद्रशासित प्रदेशांमध्ये 96-99 टक्के लसीकरण झालं आहे. देशातील 34 राज्यांमधील रुग्णांमध्ये तसेच पॉझिटीव्हीटी रेटमध्ये घसरण होताना दिसत आहे. केरळ आणि मिझोराम या दोन राज्यांमध्ये रुग्णसंख्या तसेच पॉझिटीव्हीटी रेट वाढताना दिसून येत आहे. याबाबतची माहिती केंद्रीय आरोग्य मंत्रालयाने दिली आहे.
सध्या देशातील 11 राज्यांमधील शाळा पूर्णपणे सुरु असून 9 राज्यांमधील शाळा अद्यापही बंद आहेत, अशी माहिती शिक्षण मंत्रालयाने दिली. सध्याचा डेटा असं दाखवून देतो की, आधीच्या कोरोना रुग्णवाढीच्या तुलनेत सध्याच्या व्हेरियंटमधील परिस्थिती सुरक्षित आहे. तसेच कोरोना पॉझिटिव्ह रूग्णांमधील मृत्यूची शक्यता कमी आहे. त्यामुळे ज्या रुग्णांना शस्त्रक्रियेची गरज आहे त्यांनी ते नाकारण्याची गरज नाही. ते करु शकतात, असं आरोग्य मंत्रालयाने सांगितलं आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
