जयपूर (राजस्थान): प्रेमात अडसर ठरत असलेल्या सासूच्या अंगावर नाग सोडल्यामुळे सासूचा मृत्यू झाल्याची घटना बुहाना जिल्ह्यातील सागवा गावामध्ये घडली. सासूच्या मृत्यूनंतर सात महिन्यानंतर पोलिसांना तपास करण्यात यश आले आहे.
पोलिसांनी दिलेल्या माहितीनुसार, सागवा गावामध्ये सासू व सून दोघीच राहात होत्या. सासूचा पती दुसरीकडे नोकरी करत आहे तर मुलगा लष्करात सेवेत आहे. सुन सतत फोनवर बोलत असल्याचे सासूच्या लक्षात आले. यामुळे सासूने सुनेला समजावून सांगितले होते. परंतु, सून ऐकण्याच्या मनस्थितीत नव्हती. प्रेमात बुडालेल्या सुनेने आपल्या संशयाबद्दल प्रियकराला सांगितले. प्रेमात अडसर ठरत असलेल्या सासूचा काटा काढण्याचे दोघांनी ठरवले. दोघांनी सासूच्या खोलीत नाग सोडला. नागाने दंश केल्यामुळे सासूचा मृत्यू झाला. यानंतर साप चावल्यामुळे सासूचा मृत्यू झाल्याचे तिने नातेवाईकांना सांगितले. सासूचा मृत्यू झाल्यानंतर सुनेचे प्रेम प्रकरण वाढत गेले. सासरकडील व्यक्तींच्या लक्षात आल्यानंतर त्यांनी पोलिसांना सांगितले. पोलिसांनी तपास सुरू केल्यानंतर सून अल्पना व तिचा प्रियकर विशाल करधनीला ताब्यात घेतले. चौकशीदरम्यान दोघांनी सासूच्या खुनाची कबूली दिली. दोघांना ताब्यात घेण्यात आले असून, पुढील तपास सुरू आहे.
अल्पनाचा 12 डिसेंबर 2018 रोजी विवाह झाला होता. विवाहानंतर तिचे प्रेमसंबंध सुरूच होते. दोन जून रोजी सासूला नाग चावल्यामुळे मृत्यू झाला होता. पण, त्या दिवशी अल्पना व विशालमध्ये तब्बल 124 वेळा मोबाईलवरून संभाषण झाले होते. दोघांमध्ये एवढ्या वेळा संभाषण झाल्यामुळे पोलिसांना संशय आला आणि दोघांना ताब्यात घेण्यात आले, असेही पोलिसांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.