कोरोना (Covid19) विरुद्धच्या लढाईमध्ये भारताला लवकरच आणखी एक लस मिळणार आहे. ड्रग कंट्रोलर जनरल ऑफ इंडियाने (DCGI) हैदराबादच्या बायोलॉजिकल ई लिमीटेड या कंपनीला 5 ते 18 वर्ष वयोगटातील मुलांसाठीच्या कोरोना लसीसाठी क्लीनीकल ट्रायल घेण्याची परवानगी दिली आहे. अटी आणि शर्थींसह डीसीजीआयने Corbevax या लसीच्या दुसऱ्या आणि तिसऱ्या क्लीनीकल ट्रायलसाठी परवानगी दिली आहे. त्यानुसार वेगवेगळ्या 10 ठिकाणी या लसीची क्लिनिकल ट्रायल होणार आहे. तज्ञांच्या समितीच्या शिफारशीनंतर या लसीच्या ट्रायलला परवानगी देण्यात आली आहे.
आरोग्य मंत्रालयाने दिलेल्या माहितीनुसार, बायोलॉजिकल कंपनी तयार करत असलेली RBD प्रोटीन सब यूनिटची ही लस आहे. Corbevax चे दोन डोस असणार आहेत. DCGI ने 5 ते 18 वर्षांच्या मुलांवरील दुसऱ्या आणि तिसऱ्या ट्रायलला परवानगी दिली असल्याने, आता कोरोना विरुद्धच्या लढाईला आणखी बळ मिळणार असल्याची शक्यता आहे. Corbevax लस लवकरच बाजारात येण्याची शक्यता आहे. यापूर्वीच ही लस सप्टेंबरच्या शेवटच्या आठवड्यात बजारात येईल अंदाज वर्तवण्यात आला होता. तर भारत बायोटेकच्या ते 18 वर्ष वयोगटातील Covaxinच्या दुसऱ्या आणि तिसऱ्या टप्प्यातील चाचण्यांचा अभ्यास सुरु आहे. DCGIने जुलैमध्ये सीरम इन्स्टिट्यूट ऑफ इंडिया (SII) ला 2 ते 17 वर्षे वयोगटासाठी दुसऱ्या आणि तिसऱ्या टप्प्यातील चाचण्या करण्यास परवानगी दिली.
दरम्यान, झायकोव्ह-डी (Zycov-d) ही कोरोनाची स्वदेशी लस देखील लवकरच येणार आहे. सप्टेंबरच्या शेवटच्या आठवड्यात ही लस बाजारात उपलब्ध होईल अशी शक्यता आहे. झायडस कॅडीलाची जायकोव-डी ही जगातील पहिली लस प्लाज्मिड डीएनएवर (Plasmid DNA) आधारित लस आहे. 12 ते 17 वर्षांच्या बालकांसाठी भारताने मंजूर केलेली एकमात्र लस आहे. झायडस ग्रुपचे मॅनेजिंग डायरेक्टर डॉक्टर शर्विल पटेल यांनी दिलेल्या माहितीनुसार लसीची किंमत तंत्रज्ञान, क्षमता आणि आकारावरून ठरवली जाईल. तसेच इतर लसींपेक्षा या लसीची किंमत कमी असण्याची शक्यता आहे. वर्षभरात तब्बल 10 ते 12 करोड डोस तयार कण्याचा झायडस कॅडिलाचा प्रयत्न असल्याची माहिती पटेल यांनी यावेळी दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
