IAF's AN-32 aircraft : 22 जुलै 2016 रोजी बंगालच्या उपसागरात एका मोहिमेदरम्यान बेपत्ता झालेल्या भारतीय हवाई दलाच्या An-32 विमानाचे अवशेष आठ वर्षांनंतर सापडले आहेत, अशी माहिती केंद्रीय संरक्षण मंत्रालयाने आज (शुक्रवार) दिली. विमानाचा शोध घेण्यासाठी पृथ्वी विज्ञान मंत्रालयाच्या अंतर्गत येणाऱ्या राष्ट्रीय महासागर तंत्रज्ञान संस्थेने एक स्वायत्त पाण्याखालील वाहन (AUV) वापरले.
शोध प्रतिमांचे विश्लेषण केले असता. चेन्नई किनारपट्टीपासून सुमारे 140 नॉटिकल मैल (सुमारे 310 किमी) समुद्रतळावर कोसळलेल्या विमानाचा ढिगारा आढळला आहे. संरक्षण मंत्रालयाने सांगितले की, सापडलेल्या प्रतिमा तपासल्या गेल्या आणि त्या AN-32 विमानाशी सुसंगत असल्याचे आढळले. (Latest Marathi News)
नॅशनल इन्स्टिट्यूट ऑफ ओशन टेक्नॉलॉजी, जी पृथ्वी विज्ञान मंत्रालयाच्या अधिपत्याखाली काम करते. गहाळ झालेल्या AN-32 च्या शेवटच्या ज्ञात ठिकाणी खोल-समुद्र अन्वेषण क्षमतेसह एक स्वायत्त अंडरवॉटर वाहन (AUV) तैनात केले होते. मल्टी-बीम सोनार (ध्वनी नेव्हिगेशन आणि रेंजिंग), सिंथेटिक ऍपर्चर सोनार आणि उच्च रिझोल्यूशन फोटोग्राफीसह अनेक पेलोड वापरून 3400 मीटर खोलीवर हा शोध लावला गेला.
शोध प्रतिमांच्या विश्लेषणाने चेन्नई किनारपट्टीपासून सुमारे 140 नॉटिकल मैल (सुमारे 310 किमी) समुद्रतळावर अपघातग्रस्त विमानाचा ढिगारा असल्याचे सूचित केले होते.
नेमका कसा घेतला शोध?
संरक्षण मंत्रालयाच्या म्हणण्यानुसार, मल्टी-बीम सोनार, सिंथेटिक ऍपर्चर सोनार आणि उच्च-रिझोल्यूशन फोटोग्राफीसह अनेक पेलोड वापरून 3,400 मीटर खोलीवर शोध घेण्यात आला. त्यामुळे शोध चित्रात दिसलेला ढिगारा कदाचित अपघातग्रस्त IAF An-32 चा असावा, असे अहवालात म्हटले आहे.
नेमकं काय घडलं?
2016 मध्ये बंगालच्या उपसागरावरून बेपत्ता झालेल्या अँटोनोव्ह AN-32 या विमानात किमान 29 कर्मचारी होते. अँटोनोव्ह AN-32 हे दुहेरी इंजिन असलेले लष्करी वाहतूक विमान आहे जे एकदा इंधन भरले तर चार तासांपर्यंत उड्डाण करू शकते.
चेन्नईतील तांबरम येथून सकाळी 8.30 वाजता उड्डाण केल्यानंतर विमान बेपत्ता झाले आणि शेवटच्या वेळी संपर्क साधला गेला तो 16 मिनिटांनंतर, संरक्षण सूत्रांनी दिलेल्या माहितीनुसार. घटनेच्या काही महिन्यांनंतर, कोर्ट ऑफ इन्क्वायरीने असा निष्कर्ष काढला होता की IAF च्या बेपत्ता विमानात बसलेल्यांना मृत गृहीत धरले गेले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
