नवी दिल्लीः ३१ डिसेंबरच्या रात्री दिल्लीमध्ये ज्या पद्धतीने एका तरुणीचा मृत्यू झालाय, ते पाहून देश हादरुन गेला. याप्रकरणी आता केंद्रीय गृहमंत्री अमित शाह यांनी लक्ष घातलेलं असून यंत्रणेला आदेश दिले आहेत. यामध्ये नवनवे खुलासे समोर येत आहेत.
ज्या कारने पीडित मृत तरुणीला फरफटत नेलं, ती कार काही तासांपूर्वीच आरोपींनी एका मित्राकडून घेतली होती. पोलिसांनी सीसीटीव्ही फुटेज आणि डिजिटल पुराव्यांवरुन टाईमलाईन बनवण्याचं ठरवलं आहे. त्यासाठी आरोपींना घटनास्थळी घेऊन जावं लागले. पोस्टमार्टम रिपोर्टनंतर आरोपींवर कलम वाढवली जाणार आहेत.
ही घटना १ जानेवारी रोजी पहाटे २ ते ४ वाजण्याच्या दरम्यान घडली. घटनास्थळी पोलिसांना एक स्कुटी आणि बुट मिळाला होता. ही स्कुटी रेखा नावाच्या महिलेच्या नावावर होती. तिने ही स्कुटी पाच वर्षांपूर्वीच विकलेली होती.
हेही वाचाः Inside Online Dating : हुक अप्स, ओपन रिलेशनशिप्स की...; महाराष्ट्रातील तरुणाई नक्की काय शोधते?
ज्या कारनं पीडितेला तब्बल १३ किमीपर्यंत फरफटत नेलं ती कार चार पोलीस स्टेशनसमोरुन गेली. सुल्तानपुरी, विजय विहार, बवना आणि कांझवाला या चार पोलीस स्टेशन्ससमोरुन या महिलेला फरफटत नेण्यात आलं. पण पोलिसांनाही ही घटना दिसली नाही याचं आता आश्चर्य व्यक्त केलं जात आहे.
केंद्रीय गृहमंत्री अमित शाह यांनी दिल्ली पोलिसांना स्पष्ट निर्देश देऊन लवकरात लवकर याचा सविस्तर अहवाल सादर कराव, असं सांगितलं आहे. वरिष्ठ अधिकारी शालिनी सिंह यांना निर्देश देत योग्य ती कारवाई करण्यास सांगितले आहे.
दिल्ली पोलिसांनी सोमवारी या प्रकरणी पत्रकार परिषद घेतली. पोलिसांनी सांगितलं की, पाच आरोपी पकडले आहेत. यामध्ये दीपक खन्ना हा गाडी चालवत होता. तो ग्रामीण सेवेत कार्यरत आहे. तर कारमध्ये अमित खन्ना, कृष्ण, मनोज आणि मिथुन हे बसले होते. याप्रकरणी पीएम रिपोर्ट उद्या येणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
