नवी दिल्ली : NSC शी संबंधित गोपनीय माहिती एका आध्यात्मिक योगीसोबत शेअर केल्याचा आरोप असलेल्या माजी राष्ट्रीय स्टॉक एक्सचेंज (NSE) चित्रा रामकृष्ण यांना आज दिल्ली न्यायालयाने 14 दिवसांची न्यायालयीन कोठडी सुनावली आहे. रामकृष्ण यांच्यावर NSC शी संबंधित गोपनीय माहिती एका आध्यात्मिक योगीसोबत शेअर केल्याचा आरोप असून, या आरोपाखाली चित्रा यांना सीबीआयने 24 फेब्रुवारीला अटक केली होती. (NSE Chitra Ramkrishna News)
दरम्यान, न्यायालयाने चित्रा रामकृष्ण यांनी केलेल्या घरचे जेवण आणि इतर सुविधा मिळण्याची मागणी फेटाळत प्रत्येक कैदी सारखाच असतो. त्या व्हीआयपी कैदी असू शकत नाही. त्यासाठी नियम बदलले जाऊ शकत नाहीत असे न्यायाधीश संजीव अग्रवाल यांनी नमूद केले. न्यायालयाने चित्रा यांना हनुमान चालिसा आणि भगवद्गीता पुस्तकांची प्रत बाळगण्यास परवानगी देण्यात आली आहे.
चित्रा रामकृष्ण यांनी जामिनासाठी याचिका दाखल केली होती. मात्र, या गुन्ह्यांत चित्रा या एक महत्वाची व्यक्ती असून आणि त्यांचे परदेश दौरा आणि अन्य महत्वाच्या बाबींचा तपास अजूनही सुरू असल्याचा युक्तिवाद करून सीबीआयने रामकृष्ण यांना जामीन न देण्याची मागणी करत त्यांना न्यायालयीन कोठडीत पाठवण्याची मागणी केली. त्यास न्यायालयाने परवानगी देत रामकृष्ण यांना 14 दिवसांची न्यायालयीन कोठडी सुनावत हनुमान चालीसा आणि भगवद्गीता या प्रार्थना पुस्तकांची प्रत बाळगण्याची परवानगी दिली आहे..
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
