नवी दिल्ली : डॉक्टरांना आपल्याकडं देवाचा दर्जा दिला जातो. पण अनेकदा याच डॉक्टरांकडून बेपर्वाहीच्या घटना घडलेल्या आहेत. त्यात आता आणखी एका घटनेची भर पडली आहे. यामुळं डॉक्टरांची प्रतिमा मलिन झाली आहे. दिल्लीतील एक व्हिडिओ सोशल मीडियात व्हायरल झाला आहे. (Delhi Crime News a shameful incident happened in LNJP hospital in Delhi)
या व्हिडिओनुसार, एका नवजात अर्भकावर उपचार करण्यात दिल्लीतील एका प्रतिष्ठित रुग्णालयाच्या डॉक्टरांकडून नकार देण्यात आला. मृत्यूशी झुंज देत असलेल्या या अर्भकाला पाहण्यास देखील रुग्णालय प्रशासनानं नकार दिल्यानंतर अखेर पोलिसांच्या हस्तक्षेपानंतर या चिमुकलीवर उपचार सुरु झाले.
काय आहे प्रकरण?
दिल्लीतील प्रतिष्ठित एलएनजेपी रुग्णालयामध्ये ही घटना घडली आहे. याच्या व्हायरल झालेल्या व्हिडिओनुसार, रविवारी दुपारी २ वाजता एका चिमुकलीचा जन्म झाला. या रुग्णालयानं सुरुवातीला या मुलीला मृत घोषीत केलं आणि एका बॉक्समध्ये तिला लपेटून कुटुंबियांच्या हवाली केलं. यानंतर कुटुंबियांनी घरी आल्यानंतर पाहिलं तर त्यांना धक्काच बसला. कारण मृत म्हणून घरी आणलेली चिमुकली प्रत्यक्षात जिवंत होती. यानंतर या कुटुंबानं पुन्हा रुग्णालयात धाव घेतली. तेव्हा तिथल्या डॉक्टरांनी या चिमुलीला पाहण्यास नकार दिला.
यानंतर हे प्रकरण पोलिसांपर्यंत पोहोचलं. पोलीस उपायुक्तांना याची खबर मिळाल्यानंतर त्यांनी याची दखल घेत रुग्णालयाच्या वरिष्ठ डॉक्टरांशी संपर्क साधला. यानंतर संबंधित नवजात मुलीला रुग्णालयानं दाखल करुन घेत तिच्यावर उपचार सुरु केले. त्यामुळं त्या चिमुकलीचा जीव वाचू शकला. पोलिसांच्या मदतीनं आता या चिमुकलीवर व्यवस्थित उपचार सुरु झाले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.