नवी दिल्ली : दिल्लीच्या राऊस एव्हेन्यू कोर्टाने आप नेते आणि दिल्लीचे माजी उपमुख्यमंत्री मनीष सिसोदिया यांच्या न्यायालयीन कोठडीत १४ दिवसांची वाढ केली आहे. त्यामुळे मनीष सिसोदिया यांच्या अडचणीत वाढ झाली आहे. दिल्ली उत्पादन शुल्क घोटाळ्याप्रकरणी सीबीआयने मनीष सिसोदिया यांना कोर्टात हजर केले होते.
सीबीआयने मनीष सिसोदिया यांची पाच दिवसांची कोठडी न्यायालयात मागितली होती. दरम्यान न्यायालयाने सिसोदिया यांना पाच दिवसांची CBI कोठडी सुनावली आहे. दिल्लीतील मद्य धोरणातील कथित घोटाळ्याप्रकरणी मनीष सिसोदिया यांना सीबीआयने अटक केली होती.
दिल्लीमध्ये उत्पादन शुल्क धोरण जाहीर होण्याअगोदरच काही दारु उत्पादकांसाठी नियमावली 'लीक' करुन देण्यात आली, असा आरोप सिसोदिया यांच्यावर आहे. या प्रकरणी दारु उत्पादकांकडून शंभर कोटी रुपयांची लाच घेतल्याचा दावा सीबीआयने केला आहे.
दरम्यान आता मनीष सिसोदिया ३ एप्रिलपर्यंत न्यायालयीन कोठडीत राहणार आहेत. सिसोदिया सध्या ईडीच्या कोठडीत असून त्यांना व्हिडिओ कॉन्फरन्सिंगद्वारे न्यायालयात हजर करण्यात आले. सीबीआय प्रकरणातील न्यायालयीन कोठडी संपल्यानंतर व्हीसीमार्फत न्यायालयात हजर करण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
