महाराष्ट्राच्या गृहमंत्रीपदाचा राजीनामा दिल्यानंतर अनिल देशमुख हे थेट दिल्लीत पोहोचले असून या ठिकाणी त्यांनी काँग्रेसचे वरिष्ठ नेते आणि सुप्रीम कोर्टातील ज्येष्ठ विधीज्ञ अभिषेक मनु सिंघवी यांची भेट घेतली. यावेळी त्यांच्यामध्ये परमबीरसिंग प्रकरणी मुंबई हायकोर्टाच्या आदेशाला सुप्रीम कोर्टात आव्हान देण्याबाबत सल्लामसलत झाल्याचं सांगण्यात येत आहे. एएनआयनं याबाबत वृत्त दिलं आहे.
सुत्रांच्या माहितीनुसार, अनिल देशमुख हे अभिषेक मनु सिंघवी यांच्या निवासस्थानी रात्री ९ वाजण्याच्या दरम्यान पोहोचले. त्यानंतर या दोघांमध्ये साधारण तासभर चर्चा झाली आणि १० वाजण्याच्या सुमारास देशमुख आपल्या कारमधून निघून गेले. यावेळी आणखी पाच ते सहा वकील या ठिकाणी उपस्थित होते. या भेटीचा तपशील अद्याप कळू शकलेला नाही. मात्र, सोमवारी मुंबई हायकोर्टानं परमबीरसिंग प्रकरणाचा तपास सीबीआयकडे देण्याच्या दिलेल्या आदेशाला सुप्रीम कोर्टात आव्हान देण्याबाबत मार्गदर्शन घेण्याबाबत ही भेट घेतल्याचं सांगण्यात येत आहे.
दरम्यान, मुंबईचे माजी पोलिस आयुक्त परमबीर सिंग यांनी मुंबई हायकोर्टात गृहमंत्री अनिल देशमुख यांच्याविरोधात याचिका दाखल केली होती. हायकोर्टाने याप्रकरणात सीबीआय चौकशीचे आदेश दिले आहेत. चौकशी सुरु असताना पदावर राहणे नैतिकदृष्या योग्य नसल्यामुळे अनिल देशमुख यांनी पक्षाचे सर्वोसर्वा शरद पवार यांच्या सल्ल्याने मुख्यमंत्री उद्धव ठाकरे यांच्याकडे आपला राजीनामा सोपवल्याचं सांगण्यात येतं आहे. दरम्यान, अनिल देशमुख यांच्यानंतर गृहमंत्रीपद तूर्तास मुख्यमंत्री ठाकरे यांच्याकडेच राहणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.