Dense Fog in north India: उत्तर भारतात शीतलहर, दिल्लीत दाट धुक्यामुळं रेल्वे, विमानसेवेवर परिणाम

नवी दिल्ली : उत्तर भारतात आज शीतलहर पसरली आहे. यामुळं अनेक भागांत सकाळी सात वाजेपर्यंत दाट धुकं पसरलं होतं त्यामुळं सर्वत्र अंधार पसरला होता. याचा परिणाम रस्ते वाहतूक तसेच रेल्वे आणि विमानसेवेवरही झाला. हवामान खात्यानं या धुक्याबाबतचा अहवालही सादर केला आहे. (Dense Fog cold wave in north India impact on railways air services)

हवामान खात्यानं काय म्हटलंय

हवामान खात्याच्या ट्विटनुसार, पहाटे साडेपाच वाजल्यापासून धुक्याची स्थिती पहायला मिळत आहे. उत्तर प्रदेश आणि बिहारमधील अनेक भागात अत्यंत दाट धुक्याची नोंद झाली आहे. तर पंजाब, दिल्ली, मध्य प्रदेश या राज्यांमध्ये सर्वसाधारण धुक्याची स्थिती होती. तर राजस्थान, ओडिशा आणि आंध्र प्रदेशात कमी प्रमाणात धुकं दिसून आलं आहे. (Latest Marathi News)

विविध शहरांमध्ये अशी होती दृश्यमानता

हवामान खात्याच्या माहितीनुसार, आज सकाळी साडेपाच वाजता <_500 मीटर अशी नोंद झाली. तर पंजाबमधील पटियाळात -२००, अमृतसर - ५००, दिल्लीच्या पालममध्ये -२००, सफदरजंग - ५००; राजस्थानमधील गंगानगर, जयपूरमध्ये प्रत्येकी -५००; उत्तर प्रदेशातील बरेली, बहारिच, गोरखपूरमध्ये -२५, वाराणसी, लखनऊ, सुलतानपूर - ५० प्रत्येकी; बिहारमध्ये पूर्णिया - २५, पटना -२००, गया, भागलपूर - ५००, मध्य प्रदेशातील ग्वाल्हेर - २००, ओडिशातील जहारसिंगुडा, पुरी - ५०० तर आंध्र प्रदेशातील जिजावाडा - ५०० अशी धुक्याची स्थिती होती.