डीसीजीएने इंडिगो एअरलाईन्सवर मोठी कारवाई केली आहे. यानुसार कंपनीवर ३० लाख रुपयांचा दंड ठोठावण्यात आला आहे. तसंच, डीसीजीएच्या निर्देशानुसार डॉक्युमेंट्समध्ये सुधार करण्याचे आणि ओईएम गाईडलाईन्स फॉलो करण्याचे निर्देशही कंपनीला देण्यात आले आहेत.
गेल्या सहा महिन्यांमध्ये टेल स्ट्राईकच्या चार घटना समोर आल्यामुळे इंडिगो एअरलाईन्सवर ही कारवाई करण्यात आली. तसंच नागरी उड्डाण महासंचलनालयाने केलेल्या ऑडिटमध्ये कंपनीच्या ट्रेनिंग आणि इंजिनिअरिंग प्रक्रियेमध्ये त्रुटी असल्याचं समोर आलं. एएनआय वृत्तसंस्थेने याबाबत वृत्त प्रसिद्ध केलं आहे.
एका वरिष्ठ अधिकाऱ्याने दिलेल्या माहितीनुसार, डीसीजीएने यापूर्वीही इंडिगोवर एक कारवाई केली होती. काही दिवसांपूर्वी अहमदाबाद विमानतळावर लँडिंग करताना एक विमान जमीनीला धडकले होते. या घटनेनंतर डीसीजीएने एका कॅप्टनचं लायसन्स तीन महिन्यांसाठी, तर को- पायलटचं लायसन्स एका महिन्यासाठी रद्द केलं होतं. (Indigo Airlines)
या घटनेनंतर डीसीजीएने इंडिगोची चौकशी करण्याचे आदेश दिले होते. यानंतर चौकशीमध्ये अशा आणखी घटना घडल्याचं समोर आलं. जूनमध्ये लखनऊ-मुंबई, कोलकाता-दिल्ली या विमानांसोबतही असाच प्रकार झाला होता. तसंच, गेल्या सहा महिन्यात अशा चार घटना झाल्याचं डीसीजीएला दिसून आलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
