![Cancer Treatment](http://media.assettype.com/esakal%2F2024-02%2F9b9e551d-c5bd-463b-8e47-1197f5980f3d%2FCancer_Treatment__2_.jpg?w=480&auto=format%2Ccompress&fit=max)
Cancer Treatment:
मुंबई, ता. २७ : कर्करोगावर उपचार सुरू असताना अनेकदा रुग्णाच्या शरीरावर काही दुष्परिणाम होत असतात. या दुष्परिणामांची तीव्रता कमी करण्यासाठी टाटा मेमोरियल सेंटरमधील संशोधकांनी रेसवेराट्रोल रसायन आणि तांबे या घटकांचे मिश्रण असलेल्या नवीन औषधांचा शोध लावला आहे. हे औषध जूनपर्यंत बाजारात येण्याची शक्यता आहे.
टाटा मेमोरियल सेंटरच्या खारघर येथील प्रयोगशाळेतील प्रख्यात संशोधक डॉ. इंद्रनील मित्रा यांनी कर्करोग औषधांवरील दुष्परिणाम दूर करण्यासाठी रेसवेराट्रोल रसायन आणि तांबे या घटकांचे मिश्रण असलेल्या औषधाचा वापर रुग्णांवर करण्यास सुरुवात केली. त्या वेळी त्यांना दिसून आले, की कर्करोगाच्या उपचारात मेलेल्या पेशींमधील सूक्ष्म स्वरूपातील गुणसूत्र पुन्हा रक्तात सामावून शरीरातील इतर अवयवांमध्ये जाऊन कर्करोगाच्या पेशी तयार करतात. त्या ठिकाणी हे औषध जाऊन त्या गुणसूत्रांना निष्क्रिय करते. त्यामुळे केमोथेरपीमुळे होणारे दुष्परिणाम कमी होण्यास मदत होते.
संशोधनाविषयी माहिती देताना डॉ. मित्रा असे म्हणाले की, सध्या या नवीन औषधाच्या केलेल्या अभ्यासात चांगले परिणाम दिसून आले आहेत. त्यानंतर आता लवकर मोठ्या स्तरावर रुग्णांवर अभ्यास केला जाणार आहे. त्यासाठी जे औषध आम्ही तयार केले आहे ते बनवण्यासाठी काही औषध निर्मात्या कंपन्यांशी संपर्क साधला आहे. हे औषध गोळी स्वरूपात असणार आहे. या औषधाचे आणखी काही फायदे मोठ्या अभ्यासात दिसू शकतात. मात्र, ते अभ्यासाअंती कळणार आहे. विशेष म्हणजे या औषधांमध्ये नैसर्गिक घटक असल्यामुळे हे औषध घेण्यासाठी डॉक्टरांच्या चिठ्ठीची गरज लागणार नाही.
यांच्यावर केला अभ्यास-
कर्करोगाचे उपचार घेतलेल्या रुग्णांवर या औषधाचा अभ्यास आताही सुरू आहे. यात बोन मॅरो ट्रान्सप्लांट, पोटाचा कर्करोग, जबड्यातील कर्करोग झालेल्या रुग्णांवर या औषधाचा छोटेखानी अभ्यास झाला आहे.
नव्याने शोधण्यात आलेले औषध हे एक अतिशय महत्त्वपूर्ण संशोधन आहे. येत्या काळात मोठ्या स्वरूपात या औषधाचा अभ्यास केला जाणार आहे. त्यामध्ये आणखी नवीन काही माहिती मिळते का, हे पाहणे उत्सुकतेचे असणार आहे.
- डॉ. राजेंद्र बडवे, माजी संचालक, टाटा मेमोरियल सेंटर
"टाटा डॉक्टर या टॅबलेटवर जवळपास एक दशकापासून काम करत होते. या टॅबलेटला भारतीय अन्न सुरक्षा आणि मानक प्राधिकरण (FSSAI) च्या मंजुरीची प्रतीक्षा आहे. TIFR शास्त्रज्ञांनी FSSAI कडे या टॅब्लेटला मान्यता देण्यासाठी अर्ज केला आहे. मंजुरी मिळाल्यानंतर, ते निश्चित होईल. जून-जुलैपासून बाजारात उपलब्ध आहे. या टॅब्लेटमुळे कर्करोगावरील उपचारांमध्ये सुधारणा करण्यात मोठ्या प्रमाणात मदत होईल, असे वरिष्ठ कर्करोग सर्जन म्हणाले.
"उपचाराचे बजेट लाखो ते कोटींपर्यंत असताना, ही टॅब्लेट फक्त 100 रुपयांमध्ये सर्वत्र उपलब्ध होईल," ते म्हणाले.
डॉक्टर म्हणाले, "दुष्परिणामांवरील परिणामाची चाचणी उंदीर आणि मानव दोघांवर करण्यात आली होती, परंतु प्रतिबंधक चाचणी केवळ उंदरांवरच करण्यात आली. यासाठी मानवी चाचण्या पूर्ण करण्यासाठी सुमारे पाच वर्षे लागतील. संशोधनादरम्यान आव्हाने होती, अनेकांना वाटले की हा वेळ आणि पैशाचा अपव्यय आहे. पण आज प्रत्येकजण आनंदी आणि उत्साही आहे. हे एक मोठे यश आहे."
भारतातील प्रमुख कर्करोग संशोधन आणि उपचार सुविधा असलेल्या मुंबईतील The Tata Institute ने कर्करोगाचे दुसऱ्यांदा पुनरुत्थान रोखू शकणारे उपचार शोधल्याचा दावा केला आहे.
संस्थेतील संशोधक आणि डॉक्टरांनी 10 वर्षे काम केले आणि आता एक टॅब्लेट विकसित केली आहे जी रुग्णांमध्ये दुसर्यांदा कर्करोगाची घटना टाळेल आणि रेडिएशन आणि केमोथेरपी सारख्या उपचारांचे दुष्परिणाम 50 टक्क्यांनी कमी करेल असा त्यांचा दावा आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.