अण्‍णा द्रमुकच्या मावळत्या मंत्र्यांनी त्यांची दालने रिकामी केली असून तेथे रंगरंगोटी आणि नव्या मंत्र्यांच्या नावांच्या पाट्या तयार करण्याचे काम सुरू आहे.
चेन्नई - तमिळनाडूच्या विधानसभा निवडणुकीत (Tamil Nadu Assembly Election) बहुमत मिळवल्यानंतर द्रमुकचे अध्यक्ष एम. के. स्टॅलिन (M.K.Stalin) यांनी मुख्यमंत्रीपदाची शपथ (CM oath) घेतली. बुधवारी त्यांनी राज्यपाल बनवारीलाल पुरोहित (Banwarilal Purohit) यांची राजभवन येथे भेट घेऊन पक्षस्थापनेचा दावा केला होता. स्टॅलिन यांची मंगळवारी द्रमुकच्या विधिमंडळ नेतेपदी निवड करण्यात आली होती. स्टॅलिन यांना राज्यपाल बनवारीलाल पुरोहित यांनी मुख्यमंत्रीपदाची शपथ दिली. राजभवनामध्ये कोरोनाच्या पार्श्वभूमीवर साध्या पद्धतीने शपथविधी सोहळा पार पडला. (DMK Chief MK Stalin takes oath as Chief Minister of Tamil Nadu)
नव्याने निवडून आलेल्या द्रमुकच्या १३३ आमदारांची यादी आणि पक्षनेतेपदी त्यांची एकमताने निवड केल्याचे पत्र पुरोहित यांना सादर करून स्टॅलिन यांनी सत्तास्थापनेचा दावा केला. त्यानंतर राज्यपालांनी त्यांना नवे सरकार स्थापनेसाठी निमंत्रण दिले.
दरम्यान, नव्या सरकारच्या स्वागतासाठी फोर्ट सेंट जॉर्ज येथील सचिवालय सज्ज होत आहे. अण्‍णा द्रमुकच्या मावळत्या मंत्र्यांनी त्यांची दालने रिकामी केली असून तेथे रंगरंगोटी आणि नव्या मंत्र्यांच्या नावांच्या पाट्या तयार करण्याचे काम सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
