खराब हवामानानंतरही गुजरात एटीएससह आयसीजीनं हे मिशन पूर्ण केल्याचं सांगितलं जात आहे.
नवी दिल्ली : ICG म्हणजेच, भारतीय तटरक्षक दल (Indian Coast Guard) आणि गुजरात ATS यांच्या संयुक्त कारवाईला ड्रग्जच्या (Drugs) विरोधात मोठं यश मिळालंय. भारतीय तटरक्षक दल आणि गुजरात दहशतवादविरोधी पथकानं (ATS) संयुक्त कारवाईत शनिवारी आंतरराष्ट्रीय सागरी सीमारेषेजवळ 50 किलो हेरॉईन ड्रग्ज घेऊन जाणारी पाकिस्तानी (Pakistan) बोट पकडलीय.
या हेरॉईनची अंदाजे किंमत सुमारे 350 कोटी रुपये आहे. एवढंच नाही, तर ICG आणि गुजरात ATS नं बोटीवरील 6 जणांना अटकही केलीय. पुढील तपासासाठी ही बोट जखाऊ बंदरात आणण्यात येत आहे. खराब हवामानानंतरही गुजरात एटीएससह आयसीजीनं हे मिशन पूर्ण केल्याचं सांगितलं जात आहे. ही बोट आणि ड्रग्जशी संबंधित अधिक माहितीसाठी एजन्सीनं तपास सुरू केला आहे.
गेल्या एका वर्षात ICG ची ATS सोबतची ही सहावी कारवाई आहे. तर, ICG नं ड्रग्जनं भरलेली बोट पकडण्याची एका महिन्यापेक्षा कमी कालावधीतील ही दुसरी घटना आहे. यापूर्वी 14 सप्टेंबर रोजी पाकिस्तानी बोटीतून सुमारे 200 कोटी रुपयांचं 40 किलो हेरॉईन एफएम पकडण्यात आलं होतं. एवढंच नाही, तर यादरम्यान 6 जणांना अटक करण्यात आली, जे पाकिस्तानी असल्याचं सांगण्यात आलं. कोचीमध्ये यापूर्वी NCB आणि ICG नं मिळून एक पाकिस्तानी बोट पकडली होती, त्यामध्ये करोडोंचं ड्रग्ज सापडलं होतं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
