माजी मंत्री एसपी वेलुमणी यांच्यावर कारवाईची ही पहिलीच वेळ नाहीय.
चेन्नई : तामिळनाडूतील (Tamil Nadu) कोईम्बतूरमध्ये माजी राज्यमंत्री एसपी वेलुमणी यांच्या घरावर DVAC म्हणजेच, दक्षता आणि लाचलुचपत प्रतिबंधक संचालनालयानं (Directorate of Vigilance and Anti-Corruption) छापा टाकलाय. माजी राज्यमंत्री वेलुमणी (SP Velumani) यांच्याशी संबंधित आरोपांसंदर्भात डीव्हीएसी कोईम्बतूरसह 26 ठिकाणी शोध घेत आहे.
माजी मंत्र्यावर आपल्या अधिकृत पदाचा गैरवापर करून आपल्या जवळच्या सहकारी कंपन्यांना अन्यायकारकपणे निविदा दिल्याचा आरोप आहे. एआयएडीएमकेचे कार्यकर्ते वेलुमणींच्या घराजवळ उपस्थित असून मंत्र्यांवरील या कारवाईचा निषेध करत आहेत. एएनआय वृत्तानुसार, तामिळनाडू पोलिसांनी (Tamil Nadu Police) 7 AIADMK आमदार आणि अनेक कार्यकर्त्यांना माजी राज्यमंत्री वेलुमणी यांच्या निवासस्थानाबाहेर दक्षता आणि भ्रष्टाचारविरोधी संचालनालयाच्या छाप्याविरोधात निदर्शनं केल्याबद्दल ताब्यात घेतलंय.
दरम्यान, एआयएडीएमकेचे माजी मंत्री एसपी वेलुमणी यांच्यावर कारवाईची ही पहिलीच वेळ नाहीय. याआधी जुलैमध्ये प्राप्तिकर विभागानं त्यांचा जवळचा सहकारी चंद्रशेखर यांच्या घरावर देखील छापा टाकला होता. त्यावेळी आयकर विभागानं 6 ठिकाणी छापे टाकल्याचं सांगण्यात आलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
