ED Seized PFI Properties: 'पीएफआय'शी संबंधित संस्थांवर ईडीची छापेमारी, ५६ कोटी रुपयांची संपत्ती जप्त

ED Attached PFI Properties: पीएफआय अर्थात पॉप्युलर फ्रंट ऑफ इंडिया या संस्थेशी संबंधित ठिकाणांवर ईडीने शुक्रवारी छापेमारी केली. तब्बल ५६.५६ कोटी रुपयांच्या ३५ मालमत्ता जप्त करण्यात आलेल्या आहेत. या संपत्ती त्यांच्या वेगवेगळ्या ट्रस्ट, फर्म आणि व्यक्तींच्या नावाने होत्या..ईडीने दिलेल्या माहितीनुसार, ३५.४३ कोटी रुपयांच्या १९ मालमत्ता आणि २१.१३ कोटी रुपयांची १६ मालमत्ता जप्त करण्यात आलेल्या आहेत. चौकशीमध्ये पीएफआयचे पदाधिकारी, सदस्य आणि केडर भारतात दहशतवादी कारवाया करण्यासाठी फंडिग जमा करत होते..बँकिंग चॅनेल, हवाला, दान या माध्यमातून पीएफआयचे लोक निधी जमा करत होते. तब्बल २९ बँक खात्यांमध्ये अवैध पैसा जमा झाल्याचा ईडीचा दावा आहे. भारतात आणि परदेशात अवैध पद्धतीने पीएफआय आणि इतरांकडून जमा करण्यात आलेल्या पैशांना कथितपणे केरळ, कर्नाटक, तमिळनाडू, तेलंगना, दिल्ली, राजस्थान, महाराष्ट्र, बिहार, पश्चिम बंगाल, आसाम, जम्मू-काश्मीर आणि मणिपूर येथील २९ बँक खात्यात पैसे जमा करण्यात आले..ईडीने दावा केला की, पीएफआयने अवैध पद्धतीने आणि बनावट डोनर्सच्या माध्यमातून जमा केलेले पैसे तब्बल ९४ कोटी रुपये इतके आहेत. ईडीने आतापर्यंत २६ सदस्य आणि कार्यकर्त्यांना अटक केली आहे. फेब्रुवारी २०२१ ते मे २०२४ पर्यंत ९ तक्रारी दाखल झालेल्या आहेत..ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.