निवडणुकीच्या तारखा जाहीर होताच राज्यात आदर्श आचारसंहिता लागू झाली आहे.
कर्नाटकच्या कॅबिनेट मंत्र्यावर मोठी कारवाई करत निवडणूक आयोगानं (Election Commission) त्यांच्याविरुध्द गुन्हा दाखल केलाय.
एका टीव्ही मुलाखतीदरम्यान कर्नाटकचे कॅबिनेट मंत्री मुनीरत्ना (Munirathna) यांनी अल्पसंख्याकांबाबत आक्षेपार्ह विधान केलं होतं, ते द्वेषयुक्त भाषण म्हणून लक्षात घेऊन निवडणूक आयोगानं त्यांच्याविरोधात गुन्हा दाखल केला.
राजाराजेश्वरी नगर पोलिस ठाण्यात मुनीरत्नांविरुद्ध एफआयआर दाखल करण्यात आला आहे. मुनीरत्ना यांनी ख्रिश्चन समुदायाविरोधात भडकाऊ भाषण केलं होतं, त्यानंतर त्यांच्यावर गुन्हा दाखल करण्यात आला. मुनीरत्ना हे सध्याच्या बसवराज बोम्मई (Basavaraj Bommai) सरकारमध्ये कॅबिनेट मंत्री आहेत.
पुढील महिन्यात 10 मे रोजी कर्नाटकमध्ये निवडणुका (Karnataka Election) होणार आहेत. राज्यातील सर्व 224 विधानसभा जागांवर एकाच वेळी मतदान होणार आहे. तर, 13 मे रोजी मतमोजणी होणार आहे. निवडणुकीच्या तारखा जाहीर होताच राज्यात आदर्श आचारसंहिता लागू झाली आहे. अशा परिस्थितीत निवडणूक आयोग नेत्यांची वक्तव्ये आणि त्यांच्या प्रचारावर बारीक लक्ष ठेवून आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
