नवी दिल्ली : सुदानमध्ये लष्कराचे जवान आणि अर्थसैनिक दलाचे जवान यांच्यामध्ये तुफान गोळीबाराची घटना घडली आहे. यापार्श्वभूमीवर भारतीय दुतावासानं सुदानमधील नागरिकांना महत्वाचा सल्ला दिला आहे. याबाबत दुतावासानं ट्विट करत आवाहन केलं आहे. (Embassy of India in Sudan advises Indians to stay indoors in view of reported firings in country)
उत्तर अफ्रिका खंडातील सुदानची हा सर्वात मोठा अरब देश आहे. या देशाची राजधानी खार्तुम इथं मिलिटरी आणि पॅरामिलिटरी फोर्सच्या जवानांमध्ये झटपट आणि तुफान गोळीबाराची घटना घडल्यानं खळबळ उडाली आहे. यापार्श्वभूमीवर भारतीयांना सावध राहण्याचा सल्ला सुदानमधील भारतीय दुतावासानं दिला आहे. तसेच भारतीय नागरिकांना आपल्या घरातच रहावं, पुढील सल्ला मिळेपर्यंत घराबाहेर पडू नये असंही दुतावासानं म्हटलं आहे.
नेमकं काय घडलंय?
सुदानची राजधानी खार्तुममध्ये लष्कर आणि अर्धसैनिक दलाच्या जवानांमध्ये झटापट पहायला मिळाली. यांनतर दोन्ही बाजूंकडून मोठ्या प्रमाणावर गोळीबारही झाला. स्थानिक लोकांनी हा गोळीबाराचा प्रकार अनुभवला. सुदानचे लष्करी मुख्यालय आणि सेंट्रल खार्तुममध्ये संरक्षण मंत्रालयच्या जवळपास देखील गोळीबाराची माहिती मिळतेय. काही दिवसांपूर्वी सुदानमध्ये अशाच प्रकारे अर्थसैनिक दल आणि रॅपिट सपोर्ट फोर्सच्या जवानांमध्ये मोठ्या प्रमाणावर तणाव पहायला मिळाला होता.
विमानतळावर मिळवलं नियंत्रण
अर्धसैनिक रॅपिड फोर्सनं दावा केला की, त्यांनी विमानतळावर ताबा मिळवला आहे. यापूर्वी सांगण्यात येत होतं की, त्यांच्या शिबिरावर हल्ला करण्यात आला आहे. वृत्तसंस्था एएफपीनुसार, रॅपिड सपोर्ट फोर्सच्या जवानांनी सैन्याच्या अनेक शिबिरांवर हल्ला केला, दरम्यान दोन्ही बाजूंकडून मोठ्या प्रमाणावर गोळीबार सुरु आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
