नवी दिल्ली : माजी केंद्रीय मंत्री वीरेंद्र सिंह यांनी भाजपला रामराम केला असून ते मंगळवारी काँग्रेसमध्ये प्रवेश करणार आहेत. वीरेंद्र सिंह यांचे पुत्र बृजेंद्र यांनी काही दिवसांपूर्वी भाजपचा त्याग करून काँग्रेसमध्ये प्रवेश केला होता. बृजेंद्र हे हरियाणामधील हिस्सार मतदारसंघाचे खासदार आहेत.
वीरेंद्र सिंह यांच्या पत्नी आणि माजी आमदार प्रेमलता यांनीही काँग्रेसमध्ये जाण्याचा निर्णय घेतला आहे. भाजपमध्ये येण्याआधी वीरेंद्र सिंह हे काँग्रेसमध्ये होते. दहा वर्षांपूर्वी म्हणजे २०१४ मध्ये ते भाजपमध्ये आले होते. त्यानंतर भाजपने त्यांना राज्यसभेवर पाठवत पोलाद मंत्रालयाची जबाबदारी दिली होती. भाजप आणि जननायक जनता पक्ष यांच्या युतीला वीरेंद्र सिंह यांनी विरोध केला होता. युतीची शक्यता लक्षात घेऊन बृजेंद्र यांनी भाजपला रामराम केला होता. मात्र भाजप आणि जननायक जनता पक्ष यांनी वेगवेगळ्या मार्गाने जाण्याचा निर्णय घेतला. भाजप आणि जननायक जनता पक्ष यांच्याबद्दल युती होणार नसल्याचे स्पष्ट होऊनही वीरेंद्र सिंह यांनी भाजपला रामराम करण्याचा निर्णय घेतला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
